მეცნიერების განცხადებით, ახალი ამბების ხშირი ყურება ჯანმრთელობისთვის საზიანოა
იწვევს ფსიქიკური და ფიზიკური ჯანმრთელობის პრობლემებს.
ადამიანებს, რომელთაც ახალი ამბების გადამოწმების აკვიატებული სურვილი აქვთ, დიდი ალბათობით აღენიშნებათ სტრესი, შფოთვა და ფიზიკური დაავადებები.
მეცნიერებმა გაანალიზეს 1100 ზრდასრული ამერიკელის ონლაინ-გამოკითხვის მონაცემები, რომლებიც ეხებოდა ახალ ამბებსა და ჯანმრთელობას.
შედეგებმა აჩვენა, რომ გამოკითხულთა 16,5% ჰქონდა ახალ ამბებზე ძლიერი დამოკიდებულების ნიშნები. ასეთი ადამიანები იმდენად იყვნენ ჩართულები ახალი ამბების დღის წესრიგში, რომ აღარ შეეძლოთ რომ ამ თემაზე არ ეფიქრათ. ეს კი იწვევდა ძილის დარღვევას, ოჯახის წევრებთან ურთიერთობის გაუარესებას, ხელს უშლიდა სწავლასა და მუშაობაში და იწვევდა შფოთვას.
გამოკითხულთა უმრავლესობას (73%) ჰქონდა ფსიქიკური მოშლილობა, ხოლო 61% ფიზიკური დაავადებები.
მკვლევარების განცხადებით, საჭიროა საზოგადოებაში ახალ ამბებზე დამოკიდებულების საწინააღმდეგო პროპაგანდა. მეცნიერებს ასევე მიაჩნიათ, რომ სიტუაციას აღრმავებს მასობრივი ინფორმაციის ის საშუალებები, რომლებიც უპირატესობას ნეგატიურ ახალ ამბებს ანიჭებენ.