კვება ქრონიკული პანკრეატიტის გამწვავების ფაზაში
უშუალოდ ქრონიკულ პანკრეატიტზე მოქმედი პრეპარატები პრაქტიკულად არ არსებობს, ამიტომ ძალისხმევა უმთავრესად რაციონალური დიეტით ტკივილის შემსუბუქებისკენ უნდა იყოს მიმართული. ქრონიკული პანკრეატიტის გამწვავების მკურნალობა, სასურველია, სტაციონარში ჩატარდეს. პირველი ორი დღე მიზანშეწონილია შიმშილი და ცოტაოდენი სითხის მიღება. ავადმყოფი უნდა იკვებებოდეს საგანგებოდ შედგენილი რაციონის მიხედვით, რომელშიც ცილების სადღეღამისო ოდენობა 100-200 გრამია.სრულ გამოჯანმრთელებამდე გრძელდება დიეტა, რომლიც ხელს უწყობს კუჭუკანა ჯირკვლის მუშაობას. იზღუდება პროდუქტები, რომლებიც აძლიერებს კუჭის სეკრეციას, ასევე - ქოლესტერინის შემცველი საკვები. სასურველია კვება მცირე ულუფებით და ხშირად (დღეში 5-6-ჯერ).
აკრძალულია
ცხიმიანი ხორცი, ხორცისა და თევზის ნახარში, ერბოთი მომზადებული ცომის ნაწარმი, ახალი პურ-ფუნთუშეული, შემწვარი ხორცი და ბოსტნეული, ახალი რძე, პარკოსნები, კომბოსტო, თალგამი, ბოლოკი, ხახვი, მჟავე და მეტისმეტად ტკბილი ხილი, სუნელები, კონსერვები, ლორი და შაშხი, გაზიანი ცივი სასმელები, ალკოჰოლი, მაგარი ჩაი, ყავა, კაკაო, შოკოლადის ნაწარმი.
ნებადართულია
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
გამომშრალი ხორბლის პური, ბოსტნეულის წვნიანი ბურღულითა და მაკარონით, მჭლე ხორცის ფარში, კვერცხის ცილის ომლეტი, წყალში გაზავებული (1:1) რძე, რძემჟავა პროდუქტები, უცხიმო ხაჭო, სტაფილო, კარტოფილი, ჭარხალი, ყაბაყი, გოგრა, ძალიან მწიფე (ოღონდ მჟავე არა!) გაფცქვნილი ხილი, ბურღულეული, მაკარონი, ნაღების კარაქი, მცენარეული ცხიმი, ბაცი დაუტკბობელი ჩაი, ჩირის კომპოტი, ასკილის ნახარში.
სანიმუშო მენიუ
საუზმე: ორთქლზე მომზადებული ხორცის სუფლე, რძეზე მომზადებული ჰერკულესის ფაფა, ჩაი
სამხარი: ხაჭო, ბოსტნეულის წვენი (იმავე ოდენობის წყალში გაზავებული), ორცხობილა
სადილი: ბურღულის წვნიანი, ორთქლზე მომზადებული ხორცის ბლინები, ჩაშუშული ბოსტნეული, ახალი ვაშლი
მეორე სადილი: ცილის ომლეტი, 1 ჭიქა ასკილის ნახარში, ორცხობილა
ვახშამი: ორთქლზე მომზადებული ხორცის კატლეტი, სტაფილოს პიურე, ხაჭოს ნამცხვარი, ჩაიღამით: 1 ჭიქა მაწონი.
