რატომ უნდა ჩავანაცვლოთ დაკარგული კბილი იმპლანტით? - მკურნალი.გე

დაკარგული კბილი მხოლოდ ვიზუალური პრობლემა არ არის და ხანგრძლივი პერიოდით უკბილოდ ყოფნა სხვადასხვა გართულებას იწვევს.

ასეთ დროს ირღვევა ღეჭვის ფუნქცია და საკვები სათანადოდ ვერ ქუცმაცდება, რაც საჭმლის მომნელებელი სისტემის პრობლემებს იწვევს. იცვლება სახის პარამეტრები და, როგორც წესი, ადამიანი იმაზე ხნიერად გამოიყურება, ვიდრე არის. მეტყველების დროს ხშირად ისმის შიშინი. როდესაც პირის ღრუში ერთი კბილი არ არის, მის გვერდით კბილებს სიმყარე არ აქვთ და შესაბამისად, ისინი მორყევის საფრთხის წინაშე არიან.

კბილების მოძრაობა, თავის მხრივ, იწვევს ღრძილების გაღიზიანებას, კბილთა შორის სივრცეში საჭმლის ნარჩენების დაგროვებას, ბაქტერიების გამრავლებას, რაც შემდგომ კარიესის წარმოქმნის წინაპირობა ხდება. ყბის ერთ მხარეს ღეჭვის შეზღუდვა და დატვირთვის სრულად მეორე მხარეს გადატანა იწვევს სახისა და ყბის კუნთების არათანაბარ სტიმულირებას, რაც საბოლოოდ სახის ასიმეტრიით სრულდება. სახის ერთ მხარეს კუნთი მოდუნებულია, ამიტომ ლოყა დაბლა არის დაშვებული. მეორე მხარეს კი პირიქით, ზედმეტი აქტიურობის გამო ყბის კუნთი ტონუსშია, რაც ვიზუალურად შეშუპების ეფექტს ტოვებს.

ამ პრობლემების წინაშე რომ არ დადგეთ, ძალიან მნიშვნელოვანია კბილის დაკარგვისთანავე დაიწყოთ მის განახლებაზე ზრუნვა. საუკეთესო საშუალება კი დენტალური იმპლანტია. იგი უკბილობის, ანუ ადენტიის, მკურნალობის უალტერნატივო მეთოდია.

დენტალური იმპლანტაციის დროს ძვალში თავსდება ხელოვნური ფესვი, ანუ იმპლანტი, რომელზეც შემდგომში ფიქსირდება ხელოვნური კბილი - ანუ გვირგვინი. იმპლანტი ბუნებრივი კბილისგან ვიზუალურად არ განსხვავდება და სრულად აღადგენს ყბა-სახის სისტემას ფუნქციურად.

კბილის აღდგენის სხვა მეთოდებთან შედარებით დენტალური იმპლანტის უპირატესობებია:

· იმპლანტის გვირგვინის ფერი და სიპრიალე ბუნებრივთან მაქსიმალურად მიახლოებულია;

· ვიზუალური მსგავსების გარდა, იმპლანტის გვირგვინი ბუნებრივ კბილს

შეგრძნებებითაც ძალიან ჰგავს. ეს ნიშნავს, რომ ღეჭვის დროს განსხვავება არ

იგრძნობა;

· კარიესისა და სხვა სახის დაავადებების მიმართ მდგრადია;

· უძლებს დიდ დატვირთვას და მარტივად არ იცვითება;

· მარტივია მოსავლელად. საჭიროა მხოლოდ რეგულარული წმენდა კბილის ჯაგრისითა და ირიგატორით;

· იმპლანტაციის შემდგომ თქვენ მნიშვნელოვნად გიმაღლდებათ თვითშეფასება.

საქართველოში კბილის იმპლანტებს დაახლოებით 2 ათეული წელია აკეთებენ. ტექნოლოგია საკმაოდ დახვეწილია და პროცედურები მაღალ დონეზე ტარდება. თუმცა, როგორც ერთ-ერთ მოწინავე მაღალტექნოლოგიურ კლინიკაში, „ბლიც დენტალ - კახაბერ ხარებავას კლინიკაში“ განმარტავენ, ბოლო დროს, იმპლანტოლოგია შორდება კლასიკურ მიდგომებს და უპირატესობას ანიჭებს უფრო მცირე რაოდენობის საყრდენებზე ინოვაციური პროთეზირების ტექნოლოგიებს. ყველაზე პოპულარული მეთოდებია All-on- 4 და All-on-6.

„ბლიც დენტალ - კახაბერ ხარებავას კლინიკაში“ გვიხსნიან, რომ All-on-4 ტექნოლოგია არის იმპლანტის განთავსების ყველაზე თანამედროვე და პაციენტისათვის ხელსაყრელი მეთოდი. იმპლანტაციის ამ მეთოდის მიხედვით, 4 ფესვის ფორმის იმპლანტი ერთდროულად და ერთი და იმავე დატვირთვით ინერგება ყბის ძვალში. ხელოვნური ფესვების შესაბამისი მოწყობის წყალობით, ყბის სრული იმპლანტაცია (კბილების სრულიად ჩანაცვლება დენტალური იმპლანტებით) უზრუნველყოფს პროთეზის მაღალ პირველად სტაბილიზაციას და არ საჭიროებს ძვლის გადანერგვის ოპერაციას. ეს ფაქტორები საშუალებას აძლევს ექიმს, დაუყოვნებლივ გააგრძელოს პროთეზირება და შესაბამისად, დაზოგოს პაციენტის დრო.

რაც შეეხება პროთეზირებას 6 იმპლანტზე All-on-6 ტექნოლოგიით, ის მოიცავს ყბაში 6 იმპლანტის განთავსებას. ეს ნიშნავს იმას, რომ იმპლანტები შეძლებენ გაუძლონ ნებისმიერი სახის დატვირთვას მომენტალურად, ყბის ძვალში დაყენებისთანავე. All-on-6 ტექნოლოგით იმპლანტირების დროსაც საყრდენი წნელები ისეა ჩადგმული, როგორც All- on-4-ის შემთხვევაში. იმპლანტის ჩასმას გართულებები ფაქტობრივად არ ახლავს და თანამედროვე სტომატოლოგიის საუკეთესო მიღწევაა. დროა, დაემშვიდობოთ უკბილობით გამოწვეულ პრობლემებს და ლამაზი, მშვიდი ღიმილი დაიბრუნოთ.

R