ჭკვიანი ტატუირება დაავადებაზე მიგვანიშნებს
კორეის წამყვანი სამეცნიერო-ტექნიკური ინსტიტუტის (KAIST) სპეციალისტებმა შეიმუშავეს ელექტრონული მელანი ტატურიებისათვის, რომელიც შექმნილია თხევადი ლითონისა და ნახშირბადის ნანომილაკებით. ეს უკანასკნელი ფუნქციონირებს როგორც ბიოელექტროდი.
ინოვაციური მოწყობილობა შეიძლება მივუერთოთ ელექტროკარდიოგრამის აპარატს ან სხვა ბიოსენსორს. ტატუირებას შეუძლია გადასცეს მონაცემები პაციენტის გულის შეკუმშვების სიხშირეზე და სხვა სასიცოცხლო მნიშვნელოვან მაჩვენებელბზე. ინფორმაციის ინტერპრეტირებით კი შესაძლებელია დაავადებების წინასწარ განსაზღვრა.
მეცნიერების განცხადებით, სინთეზირებული მელანი არაინვაზიურია და გალიუმის საფუძველზე შექმნილი ნაწილაკებითაა წარმოდგენილი. გალიუმი არის რბილი ვერცხლისფერი ლითონი, რომელიც ასევე გამოიყენება ნახევარგამტარებში ან თერმომეტრებში.
ნახშირბადის პლატინით დაფარული ნანომილები ელექტროობას ატარებს და უსაფრთხოა პაციენტების ჯანრმთელობისათვის.