ცხელი ღამეები 2100 წლისთვის სიკვდილიანობის დონეს გაზრდის
ასეთ დასკვნამდე მივიდნენ ჩრდილოეთ კაროლინას უნივერსიტეტის მეცნიერები, რომელთა სტატიაც გამოქვეყნდა ჟურნალში The Lancet Planetary Health.
მკვლევარებმა შეაფასეს ჩინეთის, სამხრეთ კორეის და იაპონიის 28 ქალაქში, 1980-2015 წწ-ში სითბური ტალღების დროს, სიკვდილიანობის დონე. მათ ასევე განიხილეს კლიმატის ცვლილების ორი სცენარი 2015-2100 წ. პერიოდში, რომელიც ითვალისწინებს გამონაბოლქვის მკაცრ შემცრებას (SSP126) და ზომიერ შემცირებას (SSP245).
მეცნიერებმა ასევე გამოთვალეს ღამის სიცხის სიჭარბის (hot night excess, HNE) მაჩვენებელი, რომელიც აჩვენებს ღამის პერიოდში მაღალი ტემპერატურის ჯამს.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
პირველ სცენარში ცხელი ღამეების სიხშირე წელიწადში გაიზარდა 67,4%-ით, მეორეში 75,6%-მდე, ამასთან HNE გამონაბოლქვის ზომიერი შემცირებისას, გაიზრდება 20,4-დან (2010 წ.) 39,7 გრადუსამდე (2090 წ.), ხოლო მკაცრი შემცირებისას ეს მაჩვენებელი მოიმატებს 31 გრადუსამდე.
ის, რომ ადამიანები ღამით უფრო ექვემდებარებიან მაღალ და ხანგრძლივ ტემპერატურას, იწვევს ძილის ფიზიოლოგიის სერიოზულ დარღვევას. ეს არღვევს იმუნური სისტემის მუშაობას, ზრდის გულ-სისხლძარღვთა სისტემის დაავადებების, ქრონიკული ანთებისა და ფსიქიკური მოშლილობის განვითარების რისკს.
მკვლევარებმა აჩვენეს, რომ HNE დონე მნიშვნელოვნად მოქმედებს სიკვდილის რისკზე, რომელიც ცხელი ღამეების პერიოდში შეიძლება იყოს 50%-ით მაღალი, სხვა ღამეებთან შედარებით.
ზოგადად, კლიმატის ცვლილების გამო, ცხელი ღამეების ინტენსივობა საუკუნის ბოლოსათვის გაიზრდება 1,5-ჯერ. ამასთან სიკვდილიანობის შედარებითი წილი ღამის სიცხის გამო SSP126 სცენარში 3,58%-ით, ხოლო SSP245-ის შემთხვევაში 5,79%-ით გაიზრდება.
