გახანგრძლივებული კოვიდის სიმპტომების სია იმაზე დიდი აღმოჩნდა, ვიდრე ფიქრობდნენ
პაციენტებს აღენიშნებათ თმის ცვენა და ლიბიდოს დაქვეითება.
მეცნიერებმა გაანალიზეს 2,4 მილიონი ბრიტანელის სამედიცინო მონაცემები. ამ ადამიანებიდან თითქმის მილიონმა 2020 წლის იანვრიდან 2021 წლის აპრილამდე გადაიტანა კოვიდი.
საბოლოოდ გამოვლენილი იქნა 62 სიმპტომი, რომელიც გამოჯანმრთელებიდან სამი თვის შემდეგაც აღინიშნებოდა. აღმოჩნდა, რომ ისეთი სიმპტომების გარდა, როგორიცაა ანოსმია (ყნოსვის დაკარგვა), ქოშინი, სისუსტე, „ნისლიანი“ ტვინი, გულმკერდში ტკივილი, სხეულის მომატებული ტემპერატურა, გახანგრძლივებული კოვიდის დროს პაციენტებს, ასევე ჰქონდათ თმის ცვენა, ამნეზია, აპრაქსია (მიზანმიმართული მოძრაობისა და მოქმედების შესრულების უნარის დარღვევა), ჰალუცინაცია, კიდურები შეშუპება, ერექციული დისფუქნცია, ეაკულაციის პრობლემები და ლიბიდოს დაქვეითება.
მკვლევარებმა ასევე დაადგინეს, რომ გახანგრძლივებული კოვიდის ნიშნები განსაკუთრებით ახალგაზრდებში, ყველა ასაკის ქალებში, მწეველებში, ჭარბი წონის და ქრონიკული დაავადებების მქონე ადამიანებში აღინიშნება.