მამაკაცი სამსაათიანი გულის გაჩერების შემდეგ გადარჩა
ეს მოხდა იმ დროს, როდესაც ის მეგობართან ერთად ადიოდა მთაზე.
27 წლის ტომი პრაისი მეგობართან ერთად ადიოდა მთაზე, მაგრამ ასვლის დაწყებისას დაეწყო ბოდვა. რაღაც დროის შემდეგ ბრიტანელის ტემპერატურა მკვეთრად დაეცა გადაციების გამო და გაუჩერდა გული.
რადგანაც ორივე ალპინისტს ტელეფონი დაუჯდა, ტომის მეგობარმა მაქსმა, ტომი დატოვა ადგილზე და თავად დახმრების მისაღებად გაემართა. სამთო-მაშველთა რაზმს საათზე მეტი დასჭირდა პრაისამდე მისაღწევად. თავდაპირველად ექიმები შეეცადნენ მის ადგილზე რეანიმირებას, რის შემდეგაც ვეტმფრენით გადაიყვანეს საავადმყოფოში.
კლინიკაში მიყვანისას, ტომის სხეულის ტემპერატურა 18 გრადუსი ჰქონდა. გულის გაჩერებიდან სამი საათის შემდეგ ექიმებმა მისი გულის ამუშავება მოახერხეს, თუმცა პრაისს კომატოზური მდგომარეობა განუვითარდა, რაც ხუთი დღე გაგრძელდა.
„გამიმართლა, რომ გადავრჩი. ჩემი გული სამი საათი იყო გაჩერებული. ექიმმა მითხრა, რომ შანსი ძალიან ცოტა მქონდა“- იხსენებს ტომი.
