ლალი ჩხიკვაძე

ტვინის განვითარებაზე დაბინძურებული ჰაერით გამოწვეული უარყოფითი გავლენით ინტელექტის დაქვეითების პრევენციას.

ორსულობის მიმდინარეობასა და ჰაერის დაბინძურებას შორის კავშირის შესასწავლად კვლევაში მონაწილეობდა მონგოლეთში მცხოვრები 540 ორსული ქალი. ქალები იყვნენ 18 კვირამდე ორსულები, არამწეველები და არ იყენებდნენ სახლში ჰაერის ფილტრაციის საშუალებებს. მოხალისეები შემთხვევითობის პრინციპით გაანაწილეს საკონტროლო ჯგუფში ან ჩარევის ჯგუფში, რომელშიდაც მონაწილეებს სთავაზობდნენ ერთ ან ორ ჰაერის გამწმენდს მაღალი ეფექტურობის ფილტრით (HEPA). ქალებს ურჩევდნენ ჰაერის გამწმენდის გამოყენებას მთელი ორსულობის განმავლობაში, ხოლო ბავშვის დაბადების შემდეგ, მოწყობილობას აღარ იყენებდნენ.

მოგვიანებით მეცნიერებმა გაზომეს ამ ბავშვებში (4 წლის ასაკში) ინტელექტის სრულმასშტაბიანი კოეფიციენტი (FSIQ), ვექსლერის ტესტის გამოყენებით. აღმოჩნდა, რომ ბავშვებში, რომელთა დედებიც ორსულობისას იყენებდნენ ჰაერის გამწმენდს, FSIQ-ის საშუალო მაჩვენებელი 2,8 ქულით უფრო მაღალი იყო საკონტროლო ჯგუფთან შედარებით. მათ ასევე უფრო მაღალი ჰქონდათ ვერბალური გაგების ინდექსის მაჩვენებელი.

კვლევები აჩვენებს, რომ ბავშვის ვერბალური ჩვევები შეიძლება განსაკუთრებით მგრძნობიარე აღმოჩნდეს დაბინძურებული ჰაერის ზემოქმედებისადმი. კვლევის შედეგები აჩვენებს, რომ ორსულობის დროს დაბინძურებული ჰაერის ზემოქმედების შემცირებამ შეიძლება გააუმჯობესოს მთელ მსოფლიოში ბავშვების კოგნიტიური განვითრება.