100 წლის მამაკაცი პენსიაზე გასვლის შემდეგ დაიღალა უსაქმურობით და დაბრუნდა სამსახურში
ედინბურგელმა დევიდ ფლაკერმა 100 წლის იუბილე 22 ივნისს აღნიშნა. მეორე მსოფლიო ომის დროს ის ავიაციაში მსახურობდა. ომის შემდეგ მამაკაცმა მიიღო განათლება და მუშაობდა ავსტრალიასა და სამხრეთ აფრიკის რესპუბლიკაში ტიპოგრაფიის თანამშრომლად.
მოგვიანებით ფლაკერი დაბრუნდა შოტლანდიის დედაქალაქში და ბეჭდვითი საქმით იყო დაკავებული 72 წლამდე, როდესაც კოლეგებმა ის დამსახურებულ პენსიაზე გააცილეს. თუმცა ბრიტანელი მალე მიხვდა, რომ არ შეუძლია უსაქმოდ ყოფნა და ისევ გავიდა სამსახურში. ის გახდა წმინდა კოლუმბის სახელობის ჰოსპისთან არსებული საქველმოქმედო მაღაზიის ვოლონტიორი.
დღეგრძელი კვირაში სამი დღე მუშაობს. მის მოვალეობაა ჰოსპისისთვის შემოწირული სამაგიდო თამაშების, პაზლების და წიგნების დახარისხება და წესრიგში მოყვანა.
ფლაკერს მაღაზიაში იდეალური წესრიგი აქვს. მომხმარებლების მტკიცებით დახლი მსხვილი სავაჭრო ცენტრის ბრენდულ ბუტიკს უფრო ჰგავს, ვიდრე ჰოსპისთან არსებულ დახლს.
