ცნობილი გახდა უძილობის ახალი უარყოფითი შედეგები
The Lancet Healthy Longevity-ში გამოქვეყნებულმა კვლევამ აჩვენა, რომ ძილის ნაკლებობა აფერხებს კოგნიტური უნარების, ასაკთან დაკავშირებული დაქვეითების საწინააღმდეგო ვარჯიშის დამცავ ეფექტს.
ავტორებმა შეისწავლეს კოგნიტური ფუნქციები ათი წლის განმავლობაში 50 წლის და უფროსი ასაკის თითქმის 9000 ადამიანში. სუბიექტებმა შეაფასეს, როგორი გავლენა შეიძლება იქონიოს ძილის ჩვევებისა და ფიზიკური აქტივობის სხვადასხვა კომბინაციამ მათ გონებრივ შესაძლებლობებზე.
ანალიზმა აჩვენა, რომ ადამიანები, რომლებიც ფიზიკურად უფრო აქტიურები იყვნენ, მაგრამ საშუალოდ ექვს საათზე ნაკლები ეძინათ, უფრო სწრაფად განიცდიდნენ კოგნიტურ დაქვეითებას. კერძოდ, ათი წლის შემდეგ, მათი გონებრივი შესაძლებლობები ექვივალენტური იყო იმ მონაწილეების, რომლებიც ნაკლებად იყვნენ დაკევებული ფიზიკური აქტივობებით.
წინა კვლევებმა აჩვენა, რომ ვარჯიშს შეუძლია გააუმჯობესოს კოგნიტური უნარები. თუმცა, ახლა უკვე შესაძლებელი გახდა იმის დამტკიცება, რომ ეს ხდება მხოლოდ იმ შემთხვევაში, თუ ადამიანს დღეში ექვსიდან რვა საათამდე სძინავს.
უფრო მეტიც, ასეთი კორელაცია დაფიქსირდა მხოლოდ ასაკობრივი ჯგუფის - 50-დან 60 წლამდე პირებში. 70 წელზე უფროსი ასაკის მონაწილეებში ფიზიკური აქტივობის შემეცნებითი სარგებელი შენარჩუნდა ხანმოკლე ძილის დროსაც კი.
