რით განსხვავდება ახალი ვარიანტები წინა შტამებისგან და არის თუ არა უფრო საშიში?
რაც 37%-იან ზრდას ნიშნავს წინა კვირასთან შედარებით.
თუმცა რეალური ციფრები, სავარაუდოდ, მეტია, რადგან უფასო მასობრივი ტესტირება შეჩერებულია.
კოვიდის საინფორმაციო ცენტრი Zoe იტყობინება რომ დიდ ბრიტანეთში ამ დროისთვის 3 მილიონამდე ადამაინს აქვს დაავადების სიმპტომები. ბრიტანეთში დადასტურებულ შემთხვევათა აბსოლუტური უმრავლესობა გამოწვეულია ომიკრონ BA.4 და BA.5 შტამებით, რომლებმაც BA.2 შტამის დომინანტური პოზიცია გადაფარეს.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
რა უნდა ვიცოდეთ ამ შტამებზე
ამ წუთისთვის არ არის არანაირი მონაცემები იმის შესახებ, რომ BA.4 და BA.5 იწვევენ Covid-ის წინა შტამებისგან განსხვავებულ სიმპტომებს.
ახალი შტამების სიმპტომებია:
მაღალი ტემპერატურა;
ძლიერი შეტევითი ხველა (ზოგჯერ ერთ საათამდე გრძელდება ასეთი შეტევა, ხან 24 საათში სამჯერ ან მეტჯერ შეიძლება განვითარდეს);
ყნოსვის ან გემოს დაკარგვა;
დაღლილობის შეგრძნება;
სხეულში ტკივილი, მტვრევის შეგრძნება;
თავის ტკივილი;
ყელის ტკივილი;
ცხვირის გაჭედვა და სუნთქვის გაძნელება;
მადის დაკარგვა;
დიარეა.
რით განსხვავდება ეს ვარიანტები წინა შტამებისგან?
ორივე არის ომიკრონის ქვევარიანტი, მაგრამ აქვთ მუტაციები, რაც განასხვავებს BA.1 და BA.2 ქვევარიანტებისგან, რომლებიც წინა ტალღებს იწვევდა.
ევროპის დაავადებათა პროფილაქტიკის და კონტროლის ცენტრი (ECDC) იტყობინება, რომ ახალ ქვევარიანტებს გვირგვინის ცილაში აქვთ ამინომჟავების ცვლილება, რაც მათი აქტიური გავრცელების მიზეზია. აღნიშნულმა ცვლილებამ შეცვალა ახალი ქვევარიანტების ანტიგენური თვისებები.
არის თუ არა ახალი ვარიანტები უფრო საშიში?
ამ წუთისთვის არსებული მონაცემების საფუძველზე, მეცნიერები აღნიშნავენ, რომ ახალი ქვევარიანტები ადვილად უსხლტება იმუნიტეტს და უფრო მეტად გადამდებია, ვიდრე წინა ვარიანტები, კერძოდ BA.5 ვრცელდება 35%-ით სწრაფად, ვიდრე BA.2, ხოლო BA.4 19,1%-ით უფრო სწრაფად, ვიდრე BA.1.
ეს ნიშნავს რომ BA.5 დომინანტი შტამი გახდება დიდ ბრიტანეთში.
პროფესორი სუზენ ჰოპკინსი აღნიშნავს: "არსებული მონაცემები იმას ნიშნავს, რომ მალე ძალიან გაიზრდება ახალი ქვევარიანტებით გამოწვეული შემთხვევების რიცხვი. ჩვენ თვალს ვადევნებთ ჰოსპიტალიზაციის დინამიკასაც და უკვე შეგვიძლია ვთქვათ, რომ აცრა ამ შემთხვევაშიც ამცირებს ჰოსპიტალიზაციისა და სიკვდილობის მაჩვენებლებს“.
თუმცა არსებობს სხვა მეცნიერთა განსხვავებული მოსაზრებაც, რომ ეს ვარიანტები გვერდს უვლის ვაქცინირებით და გადატანილი ინფიცირებით გამომუშავებულ იმუნიტეტსაც და ფაქტობრივად, ახლებურ ვირუსებად გვევლინება.
