სტრესი აჩქარებს იმუნური სისტემის დაბერებას
პოტენციურად ზრდის კიბოს, გულ-სისხლძარღვთა სისტემის დაავადებებისა და მძიმე ვირუსული ინფექციების განვითარების რისკს.
ასაკთან ერთად იმუნური სისტემის აქტივობა ქვეითდება. ადამიანის იმუნური პროფილი სუსტდება და ხასიათდება გაცვეთილი ლეიკოციტების სიჭარბით და ახლის (რომელიც ინფექციებსა და დეფექტურ უჯრედებს წინ აღუდგება) დეფიციტით. იმუნური დაბერება დაკავშირებულია არა მარტო კიბოსთან, არამედ გულ-სისხლძრღვთა სისტემის დაავადებების, პნევმონიის რისკთან, ვაქცინების ეფექტურობის დაქვეითებასა და ორგანოების დისფუნქციასთან.
მკვლევარებმა გააანალიზეს 50 წელს გადაცილებული 5744 ადამიანის მონაცემები, რომლებმაც შეავსეს სხვადასხვა ცხოვრებისეულ გარემოებაში სტრესის დონის შესაფასებელი კითხვარი. ასევე შესწავლილი იქნა მონაწილეთა სისხლის ნიმუშები ლაზერით სისხლის უჯრედების დათვლისა და კლასიფიკაციის მეთოდით.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
სტრესის უფრო მაღალი მაჩვენებლის მქონე ადამიანებს ჰქონდა უფრო ხანდაზმული იმუნური პროფილი გაცვეთილი ლეიკოციტების მაღალი პროცენტით. კავშირი სტრესულ ცხოვრებისულ მოვლენებსა და აქტიური Т-უჯრედების ნაკლებობას შორის მნიშვნელოვანი რჩებოდა განათლების, თამბაქოს, ალკოჰოლის მოხმარების, სხეულის მასისი ინდექსის, რასისა და ეთნიკური კუთვნილების გათვალისწინების მიუხედავად.
ხანდაზმულ ასაკში კვების რეჟიმის გაუმჯობესებამ და ფიზიკური დატვირთვის გაზრდამ შეიძლება მოახდინოს სტრესთან დაკავშირებული იმუნური დაბერების კომპენსაცია.
