მეცნიერებმა აღმოაჩინეს პრეპარატების კომბინაცია, რომელიც ფილტვის კიბოს მკურნალობაში ქიმიოთერაპიაზე 2-ჯერ ეფექტურია
რომელიც ფილტვის კიბოს მკურნალობის შემთხვევაში, ქიმიოთერაპიაზე 2-ჯერ ეფექტურია.
სპეციალისტების მონაცემებით კიბოს შორსწასული შემთხვევების სამკურნალოდ KRAS-ს გენის მუტაციის საწინააღმდეგოდ ეფექტს აჩვენებს პრეპარატების VS-6766 და ევეროლიმუსის კომბინაცია.
კვლევა უტარდებოდა 30 პაციენტისგან შემდგარ ჯგუფს, რომელთაგან 11-ს დადგენილი ჰქონდა ფილტვის არაწვრილუჯრედოვანი კიბოს გვიანი სტადია. ყველა მათგანს ჩატარებული ჰქონდა ქიმიოთერაპია და თანამედროვე იმუნოთერაპია, მაგრამ მკურნალობის ეფექტურობა დაქვეითდა.
„ფილტვის კიბოს მქონე პაციენტების ნახევარს დაავადების პროგრესირება არ აღენიშნებოდა 6 თვის განმავლობაში, რაც 2-ჯერ მეტია დაავადების განვითარების ამ სტადიაზე ქიმიოთერაპიის მოსალოდნელ ეფექტზე“-აღნიშნულია მეცნიერთა მოხსენებაში.
ექსპერიმენტის შედეგად, 11-დან 2 პაციენტს სიმსივნის ზომა შეუმცირდა 30%-ით. კიდევ 10 ადამიანში შესაძლებელი გახდა სიმსივნის ზრდის კონტროლი. მეცნიერებმა დადებითი დინამიკა ნახეს ფარისებრი ჯირკვლისა და სათესლეს სიმსივნიან პაციენტებშიდაც.
სპეციალისტების განმარტებით, დღეისათვის როგორც მინიმუმ, ერთი ეფექტური საშუალება მაინც არის KRAS გენის მუტაციით გამოწვეული კიბოს საწინააღმდეგოდ, მაგრამ ის მხოლოდ ერთ — G12C მუტაციას ებრძვის. 2021 წელს მისი გამოყენება ნებადართულია ა.შ.შ-ში. პრეპარატების ახალი კომბინაცია მოქმედებს არა თავად კიბოს KRAS გენზე, არამედ იმაზე, რომ მას აღარ ჰქონდეს სიმსივნის ზრდის სტიმულაციის საშუალება.