კომპანია „სმარტფარმა“ 10 წარმატებულ წელს ითვლის
ფარმაცევტული კომპანია “სმარტფარმი” საქართველოს ბაზარზე 2012 წლიდან მოღვაწეობს. იგი წარმოადგენს ერთ-ერთ მსხვილ იმპორტიორს და საბითუმო დისტრიბუტორს საქართველოში, რომელიც ამარაგებს 1000-დე აფთიაქს ხარისხიანი და ხელმისაწვდომი მედიკამენტებით. კომპანიის მთავარი ამოცანა დაარსების დღიდან დღემდე იყო და არის მედიკამენტებზე ხელმისაწვდომობის ზრდის ხელშეწყობა. მათი ასორტიმენტი ყოველთვის გამოირჩევა საქართველოს მოსახლეობის გადამხდელუნარიანობასთან და ამავდროულად ხარისხის ყველა საერთაშორისო სტანდარტთან და საქართველოს კანონმდებლობის მოთხოვნებთან შესაბამისობით.
დღეს კომპანია „სმარტფარმი“ 10 წარმატებულ წელს ითვლის. აღსანიშნავია, რომ 10 კვადრატული მეტრის მოცულობის ოთახში დაწყებული სასაწყობე სათავსო რომელიც დღეს 1000 კვადრატული მეტრის GDP -სა და ISO 9001 -ის სტანდარტის შესაბამის სასაწყობე სივრცეს მოიცავს. 10 წლის წინ სულ რაღაც 10 ადამიანით დაკომპლექტებული ბიზნეს-ორგანიზაცია დღეს მაღალი სულისკვეთებისა და საერთო მიზანზე ორიენტირებული 100 მდე თანამშრომლისგან შემდგარ ძლიერ გუნდს წარმოადგენს. ხაგზასმით უნდა აღინიშნოს, რომ გუნდის ერთ-ერთი მთავარი ღირებულება მხარდაჭერაა და სწორედ ამ ღირებულების გაზიარებით ისინი ეხმარებიან მარტოხელა დედებს და სხვა სხპეციფიური საჭიროებების მქონე ადამიანებს დასაქმებაში. ფარმაცევტული კომპანია „სმარტფარმის“ ძლიერი მხარე მათი საერთაშორისო პარტნიორებია, რომლებთანაც მრავალწლიანი სტაბილური და ძლიერი პარტნიორული ურთიერთობები აკავშირებთ. დღესდღეობით სმარტფარმი გახლავთ საერთაშორისო ფარმაცევტულ ბაზარზე მოწინავე კომპანიების ოფიციალური ექსკლუზიური წარმომადგენელი საქართველოში. „სმარტფარმას“ ენდობა უკვე ათასობით ექიმი და აფთიაქი საქართველოში, რადგან ხარისხი და ხელმისაწვდომობა, რომელიც ნებისმიერი ჯანდაცვის სპეციალისტის პრიორიტეტია, მათ მიერ იმპორტირებული მედიკამენტების შემთხვევაში უპირობოდ გარანტირებულია.
ფარმაცევტულმა კომპანია „სმარტფარმამ“ თავისი ღირსშესანიშნავი თარიღი - 10 წარმატებული წლის იუბილე სწორედ სამედიცინო საზოგადოების გარემოცვაში აღნიშნა ერთ-ერთ ისტორიულ ადგილას რესტორან „ფუნიკულიორი“-ში. საღამოს განსაკუთრებული ქართული ხიბლი შესძინა „თეატრალურმა კვარტეტმა“, რომელმაც ქართველი კომპოზიტორების ყველასთვის საყვარელი სიმღერები შეასრულეს. კომპანიამ სტუმრები არაჩვეულებრივი საჩუქრებით დაასაჩუქრეს და ნამდვილ დღესასწაულად აქციეს ეს ღირსშესანიშნავი დღე. ხაზგასმით უნდა აღინიშნოს, რომ კომპანიისთვის საქართველოს ჯანდაცვის სპეციალისტებზე ზრუნვა ერთ-ერთი მთავარი პრიორიტეტია, რასაც ადასტურებს მათი ახალი პროექტი - SmartClub, რომელიც მათ დაეხმარებათ გაიუმჯობესონ ყოველდღიური ცხოვრება და უკეთესი გახადონ საკუთარი და მოსახლეობის ყოველდღიურობა. SmartClub-ის პროექტის ფარგლებში მათ საჩუქრად გადაეცათ ლოიალობის ბარათი: SmartCard, რომელიც ითვალისწინებს სხვადასხვა სახის ფასდაკლებებს ყოველდღიური საჭიროების მომსახურებებსა და ნივთებზე.
გაუმჯობესება უკეთესი გაგრძელებისთვის - ეს იყო „სმარტფარმის“ 10 წლიანი წარმატების მთავარი ფორმულა, რომლითაც დაიწყო ბიზნესი 2012 წელს და წარმატებით გრძელდება! კომპანიაში მუდმივად მიმდინარეობს ახალ პროექტებზე მუშაობა, რომლის ფარგლებშიც კომპანია მოსახლეობას შესთავაზებს მათ საჭიროებებზე ზუსტად მორგებულ პროდუქციას მაღალი ხარისხის და რაც მთავარია ხელმისაწვდომობის გათვალისწინებით.გამბედაობა, გონიერი გადაწყვეტილებები, პასუხისმგებლობა, მხარდაჭერა - ის მთავარი ღირებულებებია, რომელზეც დგას „სმარტფარმის“ 10 წლიანი ისტორია.
R