ქუთაისში აჯიბადემის კლინიკების ქსელის ოფიციალური წარმომადგენლობა გაიხსნა
აჯიბადემის ქუთაისის ოფისი, ბათუმისა და თბილისის ოფისების შემდეგ, საქართველოში რიგით მესამე წარმომადგენლობითი ოფისია, რომელიც პაციენტებს აჯიბადემის საავადმყოფოებთან კომუნიკაციაში დაეხმარება და საშუალებას მისცემს, საკუთარ დიაგნოზზე სპეციალისტებისგან ალტერნატიული მოსაზრება მიიღონ.
ოფისის თანამშრომლები დაინტერესებულ ადამიანებს სამედიცინო დოკუმენტების თარგმანში დაეხმარებიან და ექიმებთან ონლაინ კონფერენციებს მოაწყობენ. ქუთაისიდან გაუსვლელად, შესაძლებელი იქნება ცნობილი 3500 ექიმიდან ერთ-ერთთან ვიზიტის დანიშვნა.
ოფისის გახსნის ცერემონიაზე დამსწრეებს სიტყვით მიმართა და აჯიბადემის კლინიკის უპირატესობებზე ისაუბრა აჯიბადემის საერთაშორისო ბიზნესის განვითარების დირექტორმა ილიას ბენვენისტემ.
მისი განცხადებით, ქუთაისის ოფიციალური წარმომადგენლობის ოფისი უზრუნველყოფს, რომ პაციენტი საჭიროების შემთხვევაში თურქეთში ჩავიდეს და ყველა შესაბამისი სერვისები მიიღოს.
„ქუთაისის წარმომადგენლობის ოფისი მსოფლიოში აჯიბადემის 42-ე ოფისია, ხოლო საქართველოში მესამე. ამ ოფისის გახსნით, იმედი გვაქვს, ქუთაისის მოსახლეობას დავუახლოვდებით. მათ რეკომენდაციას გავუწევთ - პირველ რიგში, მივაწოდებთ ალტერნატიული ექიმის აზრს და შემდეგ, თუ მათ სამედიცინო მდგომარეობაში ჩვენი დახმარება და ჩარევა იქნება საჭირო, აეროპორტში დახვედრით დაწყებული, ყველა სერვისის ორგანიზებას ქუთაისის ოფისი უზრუნველყოფს.
რაც შეეხება უშუალოდ თურქეთში მდებარე აჯიბადემს - აბსოლუტურად ყველა დეპარტამენტია - ონკოლოგია, ხელოვნური განაყოფიერება, პედიატრია, ხერხემლის დაავადებების სამკურნალო მიმართულება, ასევე ხელმისაწვდომია ის ძირითადი სადიაგნოსტიკო კვლევები, რომელიც საქართველოშიც არ კეთდება. საჭიროების შემთხვევაში პაციენტს ყველა ამ სერვისს ვთავაზობთ”,- განაცხადა ილიას ბენვენისტემ.
ქუთაისში აჯიბადემის ოფიციალური წარმომადგენლობის ოფისის ხელმძღვანელის ანა ჟღენტის ინფორმაციით კი, პაციენტებისთვის მათი მომსახურება უფასო იქნება, რაც თურქეთში ჩასვლის შემდეგ ტრანსფერისა და თარჯიმნის უზრუნველყოფასაც გულისხმობს.
“პაციენტებს ვთავაზობთ დახმარებას, უფასო რეკომენდაციას. წინასწარ იგზავნება პაციენტის დოკუმენტაცია, ამის საფუძველზე გაიცემა რეკომენდაცია. შემდეგ კი ვუწესრიგებთ წასვლასთან დაკავშირებულ საკითხებს. ჩასვლის დროს ტრანსფერს და ასევე, ქართულენოვან თარჯიმანს ჩვენ უზრუნველვყოფთ. ამაში პაციენტი თანხას არ იხდის, ჩვენი კლინიკის მომსახურებაში შედის. პაციენტის სხვა ხარჯი კი არის ინდივიდუალური”,- განაცხადა ანა ჟღენტმა.
ნებისმიერ მსურველს შეუძლია ინფორმაციისთვის მიმართოს ოფიციალურ წარმომადგენლობას, რომელიც მდებარეობს ქუთაისში - თამარ მეფის ქუჩა N60. ვიზიტის დროს უნდა წარადგინოთ პაციენტის მიმდინარე მდგომარეობის ამსახველი დოკუმენტაცია, რათა შეძლოთ აჯიბადემის კლინიკის შესაბამისი პროფესორის მხრიდან ე.წ. მეორე აზრი მიიღოთ.
ინფორმაციისთვის, Acıbadem Medical Group დაარსდა 1991 წელს. დღესდღეობით Acıbadem ქსელი მოიცავს 22 თანამედროვე მულტიდისციპლინურ კლინიკას და 18 სამედიცინო ცენტრს მსოფლიოს 5 ქვეყანაში. ყოველწლიურად მათ დახმარებისთვის მიმართავს 3,5 მილიონზე მეტი პაციენტი, მათ შორის დიდი რაოდენობით უცხოელები. მთლიანობაში, კომპანიაში 22000-მდე თანამშრომელია დასაქმებული. Acıbadem გახდა პოპულარული და პატივსაცემი ბრენდი თურქეთში და მის ფარგლებს გარეთ, უახლესი აღჭურვილობისა და მომსახურების ფართო სპექტრის წყალობით, ყველა სამედიცინო სფეროში, მათ შორის ონკოლოგიის, ნეიროქირურგიის, კარდიოლოგიის დარგებში დიაგნოსტიკის, ტრანსპლანტაციისა და მკურნალობის ჩათვლით. ახლა Acıbadem სერვისი ხელმისაწვდომია ქუთაისშიც.
ინფორმაცია წარმომადგენლობის შესახებ შეგიძლია იხილოთ ბმულზე: https://acibadem.ge/
R