მამაკაცს სასქესო ორგანო ამპუტაციიდან ექვსი წლის შემდეგ მიაკერეს
მოგვიანებით ექიმებმა შესთავაზეს დაკარგული ორგანოს აღდგენა, თუმცა ოპერაცია ვერ ჩატარდა. რეკონსტრუირებული პენისი რომ არ დაეკარგათ, ის დროებით მიაკერეს პაციენტის ხელს. შედეგად, მაკდონალდმა ხელზე პენისით ექვსი წელი იცხოვრა და მხოლოდ ახლახანს ქირურგებმა დააბრუნეს სასქესო ორგანო თავის ადგილზე.
ისტორია დაიწყო 2014 წელს, როდესაც მაკდონალდს, შორისის ხანგრძლივი ბაქტრიული ინფექციის შემდეგ, განუვითარდა სიცოცხლისათვის საშიში გართულება - სეფსისი. შედეგად ხელის და ფეხის თითებმა, ასევე პენისმა მიიღო შავი შეფერილობა სისხლის მიმოქცევის დარღვევის შედეგად. ექიმები იძულებული გახდენენ მამაკაცისთვის გაეკეთებინათ პენისის ამპუტაცია.
2015 წელს მაკდონალდს შესთავაზეს პენისის რეკონსტრუქციული ოპერაცია. ამისათვის გამოიყენეს პაციენტის მარცხენა ხელიდან აღებული კანისა და კუნთების უბანი. თუმცა ოპერაციის დროს, რომლის დროსაც ხელმეორედ მოხდა 15 სმ სიგრძის პენისის ფორმირება, პაციენტის სისხლში მკვეთრად დაეცა ჟანგბადის დონე. ჰიპოქსემიის გამო, ოპერაცია შეწყდა. რეკონსტრუირებული პენისის ქსოვილების შესანარჩუნებლად, ორგანო მიაკერეს პაციენტის მარცხენა წინამხარზე. ასე მაკდონალდი გახდა პირველი ადამიანი მსოფლიოში ხელზე პენისით. საბოლოო ჯამში, მაკდონალდმა ხელზე პენისით 6 წელი იცხოვრა. ამ წლებს ის ნამდვილ კოშმარს უწოდებს. მისი თქმით, ვერ დადიოდა შვილებთან ერთად აუზზე, მუდამ ეცვა ტანსაცმელი გრძელი სახელოებით.
მხოლოდ 2021 წლეს, 9 საათიანი ოპერაციის მსვლელობისას, ბოლოსდაბოლოს მიაკერეს პენისი საზარდულის მიდამოში. პროცედურამ წარმატებით ჩაიარა. ახლა მამაკაცს საკუთარი ახალი პენისით არა მარტო შარდვა შეუძლია, არამედ სქესობრივი ცხოვრებაც. პენისში არის სპეციალური პროტეზი, რომლის საშუალებითაც შესაძლებელია მექანიკური ერექციის მიღწევა.