მწერები და მათი ნაკბენები
მწერების ნაკბენი ხშირ შემთხვევაში მცირე გაღიზიანებას იწვევს, თუმცა ამას შეიძლება ტკივილი და სერიოზული გართულებებიც მოჰყვეს.
მწერებს კბენის გზით ჩვენს ორგანიზმში შეყავთ შხამი. ნაკბენის სიმძიმე დამოკიდებულია მწერის ტიპსა და იმაზე, თუ რამდენად მგრძნობიარეა პიროვნება. ზოგიერთ შემთხვევაში ადამიანს შეიძლება ჰქონდეს მძიმე რეაქცია ნაკბენზე, რასაც ანაფილაქსია ეწოდება, ეს კი აუცილებელ სამედიცინო დახმარებას საჭიროებს.
კოღოები
კოღოების ნაკბენი ხშირ შემთხვევაში ძლიერ ქავილს იწვევს. თუ ადამიანი მწერების მიმართ ძალიან ალერგიულია, ნაკბენმა შეიძლება სითხით სავსე ბუშტუკების გაჩენა გამოიწვიოს. ტროპიკული ქვეყნების სხვადასხვა ნაწილში, კოღოს ნაკბენმა შეიძლება მალარიაც კი გამოიწვიოს.
რწყილები
რწყილების, ისევე როგორც კოღოების ნაკბენი, იწვევს ძლიერ ქავილს.
ტკიპები
ტკიპის ნაკბენი, როგორც წესი, არ არის მტკივნეული და ზოგჯერ სიწითლის წარმოქმნას იწვევს ნაკბენის ადგილზე. თუმცა, ზოგიერთ შემთხვევაში მათ შეუძლიათ გამოიწვიონ:
- შეშუპება
- ქავილი
- ბუშტუკები
- სისხლჩაქცევა
ტკიპის ნაკბენი, ყველაზე ცუდ შემთხვევაში, სიკვდილსაც კი იწვევს.
ობობები
ობობა შეიძლება იყოს შხამიანი ან არაშხამიანი. არაშხამიანი ობობის ნაკბენი ვლინდება შეშუპებით, სიწითლით, ტკივილითა და ქავილით. ეს არის მსუბუქი რეაქციები, რომლებიც ხშირია და შეიძლება, რამდენიმე საათიდან რამდენიმე დღემდე გაგრძელდეს.
ადამიანთა მცირე ნაწილს აქვს მწვავე რეაქცია მწერის ან ობობის მიერ შეყვანილ ტოქსინზე. იშვიათია ისეთი შემთხვევა,როცა ობობის ნაკბენმა შეიძლება გამოიწვიოს მძიმე ალერგიული რეაქცია.