მხნეობა დილიდან დიდად არის დაკავშირებული არა მარტო ძილის ხანგრძლივობასთან, არამედ...
იმასთანაც, თუ ძილის რომელ ფაზაში მოხდა გაღვიძება. ითვლება, რომ სასარგებლოა ძილის ციკლის დასრულების მომენტში გაღვიძება.
გაღვიძების იდეალური დროის განსაზღვრის იდეა იმას ეფუძნება, რომ ძილის ციკლის ბოლოს, როდესაც სრულდება სიზმარი, იდეალური დროა გასაღვიძებლად. ამ დროს ჩვენი პულსი, ტემპერატურა, წნევა და კორტიზოლის დონე მაღალია. ამ მომენტში მზად ვართ გაღვიძებისათვის, როგორც არასოდეს.
ნებისმიერ ადამიანს შეუძლია გაღვიძების იდეალური რეჟიმზე აწყობა, მთავარია ერთსა და იმავე დროს გაღვიძება. სპეციალისტების აზრით ერთი კვირის განმავლობაში ორგანიზმი თავად ახერხებს ძილის მოწესრიგებას ისე, რომ სიზმარი მაღვიძარას დარეკვამდე 5 წუთით ადრე დასრულდეს.