მეცნიერები ეჭვობენ, რომ გავრცელებული ჰერპეს ვირუსები ზრდიან დიაბეტის რისკს
ცნობილია რვა ტიპის ამგვარი ვირუსი: მარტივი ჰერპესი, რომელიც იწვევს კანზე და ლორწოვან გარსზე ბუშტუკოვან გამონაყარს, ჩუტყვავილას ვირუსი, ეპშტეინ-ბარის ვირუსი, ციტომეგალოვიერუსი და ადამიანის სამი ტიპის ჰერპეს ვირუსი. ყველა ეს ვირუსი ადამიანის უჯრედებში შეღწევისას იწვევს მსუბუქ ან უსიმტომო ინფექციას, რომელიც ფარულად რჩება ადამიანის ორგანიზმში მთელი ცხოვრების განმავლობაში.
გერმანელმა მეცნიერებმა გადაწყვიტეს გამოერკივათ არსებობს თუ არა კავშირი ჰერპევირუსებით დასნებონებასა და პრედიაბეტური მდგომარეობის განვითარებას შორის. როგორც ცნობილია, ეს უკანასკნელი იწვევს ტიპი 2 შაქრიან დიაბეტს. პრედიაბეტისთვის დამახასიათებელია უზმოზე სისხლში შაქრის დონის მომატება და გლუკოზის ათვისების მექანიზმის დარღვევა.
მეცნიერებმა გაანალიზეს საშუალოდ 54 წლის ასაკის 2 000 ადამიანის მონაცემები. ყველა მათგანმა კვლევის დასაწყისში, 2006-2008 წლებში, ჩაიტარა სამედიცინო გამოკვლევა, რომელიც განმეორდა 7 წლის შემდეგ. ამას გარდა, მოხალისეები ასევე იტესტებოდნენ ჰერპესვირუსებზე.
მკლვევარები მივიდნენ იმ დასკვნემდე, რომ სხვა ფაქტორების მიუხედავად, ორი ტიპის ჰერპესვირუსით - HSV-2 და ციტომეგალოვირუსით ინფიცირებას უკავშირდება პრედიაბეტის განვითარების რისკი. ამასთან HSV-2 ვირუსით დასნებოვნებულებს პრედიაბეტის ალბათობა მომატებული ჰქონდათ 59%-ით, ხოლო ციტომეგალოვირუსით დასნებოვნებისას 33%-ით.
ბიოლოგიური მექანიზმები, რის გამოც ჰერპესვირუსმა შეიძლება გაზარდოს პრედიაბეტის რისკი, დასადგენია შემდგომი კვლევებით.