ამერიკელი ქალბატონის ზურგის ტკივილის მიზეზი, გიგანტური სიმსივნე აღმოჩნდა
დროთა განმავლობაში ტკივილი ძლიერდებოდა, მაგრამ პანდემიის გამო ახალგაზრდა ქალმა ექიმს ვერ მიმართა. ის სახლიდან მუშაობდა და ზურგის ტკივილს უკავშირებდა ცუდ ტანდეგობასა და ფიზიკურ გადაღლას.
2021 წლის ოქტომბერში ელიმ მიმართა სამედიცინო დახმარებისთვის რამდენიმე სპეციალისტს, რომლებმაც ვერ შეძლეს მზარდი ტკივილის მიზეზის დადგენა. რენტგენოლოგიურმა კვლევამ პათოლოგია არ აჩვენა. ელის ურჩიეს სპეციალური, ზურგის დამჭერი ბალიშის შეძენა და დაუნიშნეს ტკივილგამაყუჩებელი საშუალებები.
თუმცა, ცოტა ხანში ელის დაეწყო ნაწლავებთან და შარდის ბუშტთან დაკავშირებული ჩივილები, ხოლო ტკივილები უკვე მოუთმენელი ხასიათის გახდა. პირველი, ვინც ტკივილის მიზეზი დაადგინა აღმოჩნდა გინეკოლოგი, რომელსაც ელიმ გასასინჯად მიმართა.
ექიმმა აღმოაჩინა, რომ ხერხემალზე პაციენტს ჰქონდა გიგანტური სიმსივნე. კომპიუტერულმა ტომოგრაფიამ დაადასტურა რბილ ქსოვილებში ბავშვის თავის ზომის სიმსივნის არსებობა. ახალწარმონაქმნი ისე სწრაფად იზრდებოდა, რომ მისმა დიამეტრმა მიაღწია 14 სმ-მდე.
ბიოფსიით დადგინდა, რომ სიმსივნე კეთილთვისებიანი იყო. ამჟამად ელი გადის მკურნალობას, რომელიც მიმართულია ახალწარმონაქმნის ზრდის შესაჩერებლად. თერაპიის მიზანია სიმსივნის მოშორების სარისკო ოპერაციის თავიდან აცილება, რომლის დროსაც შესაძლებელია დაირღვეს ნაწლავის ფუნქცია.
ელი იმედოვნებს, რომ მისი ისტორია განსაკუთრებით ახალგაზრდებისთვის იქნება საყურადღებო, რომ ისინი სერიოზულად მოეკიდონ ზურგის ტკივილს და ყოველთვის გამოარკვიონ მისი აღმოცენების მიზეზი.