ვოლონტიორობა ხანდაზმულ ადამიანებს დემენციისგან იცავს
სისტემატური მიმოხილვა და მეტაანალიზი. კვლევაში მონაწილეობდა პლანეტის სამ კონტინენტზე მცხოვრები 50 წელს გადაცილებული 62 000 ადამიანი.
რაც უფრო მეტად გრძნობს ადამიანი საკუთარი ცხოვრების აზრს, მიზანსა და მნიშვნელობას, მით ნაკლებია ასაკობრივი კოგნიტიური დარღვევების რისკი.
კვლევებმა აჩვენა, რომ ცხოვრების გააზრების გრძნობა ეხმარება ადამიანს სტრესთან გამკლავებაში და ამცირებს ტვინში ანთების დონეს. ორივე ეს ფაქტორი ამცირებს დემენციის რისკს. ამას გარდა, ადამიანები, რომელთაც ცხოვრებაში აქვთ მიზანი, როგორც წესი, უფრო აქტიურ ფიზიკურ და სოციალურ ცხოვრებას ეწევიან, რაც ასევე ხელს უწყობს დემენციის რისკის შემცირებას.
მეცნიერებმა ასევე გამოარკვიეს, რომ ისეთი დადებითი ფაქტორები, როგორიცაა ოპტიმიზმი, საკუთარი ცხოვრებით კმაყოფილება, კარგი განწყობა, დემენციის რისკზე არ მოქმედებს.
მიღებული შედეგებიდან გამომდინარე, მეცნიერები ხანდაზმულ, კოგნიტიური დარღვევებისკენ მიდრეკილ ადამიანებს ურჩევენ დაკავდნენ ისეთი საქმით, რაც არა მარტო კმაყოფილებას მიანიჭებთ, არამედ გააზრებული და მნიშვნელოვანი იქნება, ანუ მიმართული იქნება სხვა ადამიანების დახმარებისა და საზოგადოებისთვის სარგებლის მოტანისაკენ.