რატომ არ ემუქრება ფილტვის კიბო ზოგიერთ მწეველს - მეცნიერთა კვლევის შედეგი
ზოგიერთ მწველს შეიძლება არ განუვითარდეს ფილტვის კიბო, დაზიანებული დნმ-ის აღდგენის ეფექტური სისტემის გამო.
ფილტვის კიბოს ერთერთი ძირითადი მიზეზი სიგარეტის მოწევაა, თუმცა ყველა მწეველს ის არ უვითარდება. იმისათვის რომ გაერკვიათ ზოგიერთი მწეველი რატომ აღწევს ღრმა მოხუცებულობამდე და არ უვითარდება კიბო, მკლვევარებმა ბრონქოსკოპიის საშუალებით შეაგროვეს 11-86 წლის 14 არამწეველი და 44-81 წლის 19 მწეველი ადამიანის ფილტვის ეპითელური უჯრედების ნიმუშები.
რაც უფრო მეტი ასაკის იყო კვლევის მონაწილე, მით მეტი მუტაცია გროვდებოდა უჯრედებში, თუმცა მწეველებში ეს გაცილებით სწრფად ხდებოდა, რაც ზრდიდა კიბოს განვითარების ალბათობას. თუმცა ეფექტი დამოკიდებული იყო ასევე თამბაქოს მოხმარების დოზაზე. მუტაციის წილი არ განსხვავდებოდა იმ მონაწილეებს შორის, რომლებიც ძალიან ბევრს ეწეოდნენ.
მკვლევარები, მონაცემებზე დაყრდნობით, ფიქრობენ, რომ ეს ადამიანები დიდხანს ცოცხლობენ, მიუხედავად ინტენსიური მოწევისა, იმიტომ რომ მათთან ითრგუნება მუტაციის შემდგომი დაგროვება. მუტაციის ამგვარი ნიველირება შეიძლება გამოწვეული იყოს ამ ადამიანებში დაზიანებული დნმ-ის აღდგენის ძალიან ეფექტური სისტემით ან სიგარეტის კვამლის დეტოქსიკაციით.
მეცნიერები ფიქრობენ, რომ მათი კვლევის შედეგები ფილტვის კიბოს განვითარების რისკების შეფასების მეთოდების დადგენის საშუალებას მისცემს.