გერმანიაში მამაკაცმა COVID-19-ის საწინააღმდეგო ვაქცინა თითქმის 90-ჯერ გაიკეთა სერთიფიკატის გაყიდვის მიზნით
იგი პოლიციამ დააკავა. ამის შესახებ იტყობინება Associated Press.
მაგდერბურგელმა 60 წლის მამაკაცმა, საქსონიის ფედერალურ მიწაზე, ვაქცინაციის ცენტრებში, რამდენიმე თვის განმავლობაში 90 აცრა გაიკეთა. მამაკაცი დააკავეს ქალაქ აილენბურგის სამედიცინო ცენტში. ვაქცინის მორიგი დოზის მისაღებად, ის ერთსადაიმავე ცენტრში ზედიზედ ორ დღეს მივიდა.
პოლიციამ კონფისკაცია გაუკეთა აცრის ბარათის რამდენიმე ბლანკს (ის თითოეულ ვაქცინაციაზე ახალი დოკუმენტებით მიდიოდა) და აღძრა სისხლის სამართლის საქმე. ამჟამად დაწყებულია გამოძიება.
აღნიშნავენ, რომ მრავალრიცხოვანი იმუნიზაცია შეიძლება უკავშირდებოდეს ვაქცინაციის სერთიფიკატების გაყიდვას აცრების მოწინააღმდეგეებზე.