აღმოაჩინეს აივ-ინფექციის ახალი საშიში შტამი
მკვლევრებმა მუტაცია აღმოაჩინეს უგანდიდან ჩამოსული აივინფიცირებული ევროპელების სისხლის ნიმუშების ანალიზისას. 17 მათგანს გამოუვლინდა ადრე უცნობი ვარიანტი, რომელსაც უწოდეს VB. მათგან 15 აღმოჩნდა ნიდერლანდების მოქალაქე. ამიტომ მეცნიერებმა დამატებით შეისწავლეს 6700 აივდადებითი ნიდერლანდელი, რის შედეგადაც გამოავლინეს აღნიშნული შტამის 92 მატარებელი.
აივ-ის VB ვარიანტით დასნებოვნებულებს ვირუსული დატვირთვა რამდენადმე მაღალი ჰქონდათ, ვიდრე ვირუსის უკვე ცნობილი ვარიანტით ინფიცირებულებს. ამას გარდა, მათთან უფრო მაღალი იყო შიდსის განვითარებისა და ინფექციის გადაცემის რისკი. თუმცა ანტირეტროვირუსული თერაპიის შემდეგ იმუნური სისტემა ნორმას უბრუნდებოდა.
მოგვიანებით ანალიზმა აჩვენა, რომ VB შტამი ნიდერლანდებში გამოჩნდა 1980-იანების ბოლოსა და 1990-იანების დასაწყისში. 2000-იან წლებში ის აივ-ის სხვა ვარიანტზე უფრო სწრაფად ვრცელდებოდა, მაგრამ 2010 წლის შემდეგ მისი გავრცელება შემცირდა. ინფექციის გავრცელების შეკავება მოხერხდა ქვეყანაში აივ-თან ეფექტური ბრძოლით.