ფსიქოლოგებმა გააქარწყლეს სტრესზე მითები
ეს არის ორგანიზმის ბუნებრივი და სასარგებლო რეაქცია საშიშროებაზე. ამასთან, სტრესი გვეხმარება უკეთ მოვახდინოთ ყურადღების ფოკუსირება რთული ამოცანის გადასაჭრელად. თუმცა, დიდი ხნის განმავლობაში ადამიანის ამ მდგომარეობაში ყოფნა, საზიანოა. მაგალითად, ექსპერიმენტულად დადასტურდა, რომ მუდმივი სტრესისას გაცილებით მეტ და სულელურ შეცდომებს ვუშვებთ, ვიდრე მშვიდ მდგომარეობაში.
ფსიქოლოგები ასევე აღნიშნავენ, რომ ალკოჰოლი სტრესთან ბრძოლაში არ დაგვეხმარება. ის დროებით ხსნის დაძაბულობას, თუმცა ადამიანები სწრაფად ეჩვევიან ამ მეთოდს და იგი არაეფექტური ხდება. ალკოჰოლის ქრონიკული მოხმარება კი პირიქით, ზრდის შფოთვას და აუარესებს ჯანრმთელობას. ექსპერტები ასევე გვირჩევენ არ გავექცეთ პრობლემაზე ფიქრს და შევეცადოთ მშვიდად გავაანალიზოთ სიტუაცია, რათა მოვძებნოთ გამოსავალი. ფსიქოლოგები ამას „კოგნიტიურ რესტრუქტურიზაციას“ უწოდებენ.
აღსანიშნავია, რომ ისტერიკაც წარმოადგენს ადაპტაციურ მექანიზმს, რომლის საშუალებითაც ადამიანი ეგუება არასასურველ და შფოთვით პირობებს.