ლალი ჩხიკვაძე

გერმანელი მეცნიერების კვლევის შედეგები გამოქვეყნდა ჟურნალში Diabetologia.

კვლევის განმავლობაში მეცნიერებმა გაანალიზეს 8,8 მილიონი პაციენტის მონაცემი, რომელთა სამედიცინო დაკვირვება მიმდინარეობდა 2021 წლის ივლისამდე. საკონტროლო ჯგუფის სახით მკვლევარებმა აირჩიეს ზედა სასუნთქი გზების მწვავე ინფექციით დაავადებული ადამიანები.

კვლევის პერიოდში 35 865 ადამიანს დაუდგინდა COVID-19. ამასთან კორონავირუსის დროს დიაბეტით ავადობამ შეადგინა 15,8%, ხოლო მწვავე რესპირატორული ვირუსული დაავადებისას - 12,3% 1000 ადამიანზე, წელიწადში. სპეციალისტებმა აღმოაჩინეს, რომ ადამიანის კუჭუკანა ჯირკვალი შეიძლება აღმოჩდნეს SARS-CoV-2-ის სამიზნე. COVID-19-ით დასნებოვნების შემდეგ, აღინიშნება ბეტა-უჯრედებში გლუკოზით სტიმულირებული ინსულინის სეკრეცია . ამას გარდა, COVID-19-ის გადატანის შემდეგ, ზოგიერთ პაციენტთან განვითარდა ინსულინისადმი რეზისტენტობა და მომატებული იყო სისხლში გლუკოზის დონე, მიუხედად იმისა, რომ ანამნეზში მათ დიაბეტი არ ჰქონდათ.

SARS-CoV-2 ინფექციამ შეიძლება გამოიწვიოს ძლიერი პროანთებითი სასიგნალო ნივთიერებების - ციტოკინების - გამოტყორცნა. იმუნური სისტემის აქტივაცია შეიძლება შენარჩუნდეს SARS-CoV-2-ით დასნებოვნებიდან რამდენიმე თვის განმავლობაში, რაც ინსულინის ეფექტურობას აქვეითებს ისეთ ქსოვილებში, როგორიცაა კუნთები, ცხიმოვანი უჯრედები და ღვიძლი.