მეცნიერებმა გულის უკმარისობასთან ბრძოლის მეთოდს მიაგნეს
გულის დაზიანების მეაქანიზმის გასაგებად, ისინი იკვლევდნენ ტიპი 1 და 2 დიაბეტით დასნებოვნებულ თაგვებს.
სპეციალისტები სწავლობდნენ გლიკოკალიქს - გელის მსგავს შრეს სისხლძარღვებში. აღმოჩნდა, რომ გულის წვრილ სისხლძარღვებში, სხვადასხვა დაავადებების დროს პირველ რიგში ეს სტრუქტურა ზიანდება. კერძოდ, მკლვევარების განცხადებით, აღნიშნული დაზიანება უკავშირდება გულის კედლებში სითხის მოძრაობას, რაც ხელს უწყობს შეშუპების განვითარებას და გულის კუნთის სიმკვრივის გაზრდას. შედეგად, გული სწორად ვეღარ დუნდება.
გლიკოკალიქსის ფუნქციის აღსადგენად, მეცნიერებმა დიაბეტით დაავადებულ მღრღნელებს მისცეს ნივთიერება ანგიოპოეტინ 1-ის სახელწოდებით. 3 საათის შემდეგ მათ აღმოაჩინეს, რომ აღნიშნული შრე გასქელდა. ულტრაბგერითმა კვლევამ აჩვენა, რომ თაგვების გულის მოდუნების უნარიც გაუმჯობესდა.
ბრიტანელი სპეციალისტების განცხადებით, აღნიშნული აღმოჩენა დაეხმარება მეცნერებს განსაზღვრონ დიაბეტით დაავადებულ ცალკეულ ადამიანებს არტერიული ჰიპერტენზიის ან გულის იშემიური დაავადების არქონის შემთხვევაში, რატომ უვითარდებათ გულის უკმარისობა.
მეცნიერების აზრით, ადამიანებზე ჩატარებული შემდგომი კვლევები შეიძლება დაეხმაროს მეცნიერებს დიაბეტის დროს განვითარებული გულის უკმარისობის მკურნალობის პოტენციურად ახალი მეთოდების შემუშავებაში.