”მკურნალის” რედაქცია

პროფესორი თამაზ მაღლაკელიძე ხველასა და მისი მკურნალობის თანამედროვე მიდგომებზე გვესაუბრება.

- ბატონო თამაზ, რისი ნიშანია ხველა და რა იწვევს მას?

- ხველის გამოწვევა შეუძლია სასუნთქი და გულ-სისხლძარღვთა სისტემების, საჭმლის მომნელებელი ტრაქტის დაავადებებს, მწეველობას. გარდა ამისა, ხველა როგორც გვერდითი მოვლენა შეიძლება თან ახლდეს მთელი რიგი მედიკამენტების გამოყენებას. თუმცა ხველის ყველაზე გავრცელებული მიზეზი მწვავე რესპირატორული ვირუსული ინფექციებია. ეს დაავადებები, მოგეხსენებათ, მეტად გავრცელებულია - მოსახლეობის უდიდეს ნაწილს წელიწადში ერთხელ მაინც გადააქვს ვირუსული ინფექცია, მათი უხშირესი კლინიკური გამოვლინება კი ხველაა.

ხველა ორგანიზმის დაცვითი ფუნქციაა, რომელიც სასუნთქი გზებიდან ორგანიზმისათვის უცხო აგენტის გამოსადევნადაა მიმართული. ვირუსული ინფექციების ფონზე განვითარებული გაციების, ტრაქეიტის, რინოფარინგიტის, ბრონქიტის და სხვა ანთებითი დაავადებების დროს საწყისად ვლინდება არაპროდუქტიული (მშრალი) ხველა, რაც აუარესებს ცხოვრების ხარისხს, ხშირად არღვევს ძილის რიტმს. ამ დროს მთავარია მშრალი ხველის ნარჩენ ხველაში გადაყვანა. მდგომარეობის შესამსუბუქებლად საჭიროა პაციენტი მოთავსდეს კომფორტულ გარემოში, დაიტვირთოს სითხით და დაენიშნოს ხველის დამაწყნარებელი საშუალება.

ბოლო დროს ამ სიტუაციაში ხველის ეფექტური და უსაფრთხო თერაპიისთვის წარმატებით ვიყენებთ კომპანია „მატერია მედიკა ჰოლდინგის“ კომპლექსური მოქმედების პრეპარატ რენგალინს, რომელმაც ღირსეულად დაიმკვიდრა თავი კლინიკურ პრაქტიკაში. ის ამცირებს მშრალი ხველის ინტენსივობასა და ხანგრძლივობას, როგორც დღისით, ასევე ღამით.

- როგორია ხველის მკურნალობის თანამედროვე მიდგომა?

- ხველას, როგორც წესი, მკურნალობენ ამოსახველებელი ან ხველის დამაწყნარებელი საშუალებებით. როგორც აღვნიშნე, საწყის ეტაპზე ვითარდება მშრალი ხველა, რომელიც ავადმყოფობის მესამე-მეხუთე დღეს პრომშრალ პროდუქტიულ (ნახველით) ხველაში გადადის. პროდუქტიული ხველის მიზეზი ბრონქული ხის ანთებითი პროცესია. მისი თავისებურება ისაა, რომ ამოხველების დროს პაციენტი შვებას გრძნობს, ანუ ნახველიანი ხველა უფრო ადვილი ასატანია და, მშრალი ხველისგან განსხვავებით, დიდად არც ცხოვრების ხარისხს აუარესებს.

გახსოვდეთ, ნებისმიერი ტიპის ხველა საყურადღებოა და გართულებების თავიდან ასაცილებლად საჭიროა დროული დიაგნოსტიკა და სწორი მკურნალობა.

პროდუქტიული, მშრალი თუ გახანგრძლივებული ხველის სამკურნალოდ თამამად შემიძლია გირჩიოთ პრეპარატი რენგალინი, რომელსაც შეიძლება ეწოდოს უნივერსალური საშუალება ხველის პრობლემის მოსაგვარებლად, სამმაგი მოქმედების კომპლექსური პრეპარატი, რომლის შემადგენლობაში შემავალი რელიზაქტიური კომპონენტები ბრადიკინინის და ჰისტამინის მიმართ უზრუნველყოფს ანთების საწინააღმდეგო, ბრონქოდილატაციურ და ანტიჰისტამინურ ეფექტებს. ის ამცირებს შეშუპებას, ხელს უწყობს ნახველის ევაკუაციას, რაც განაპირობებს ხველის და ინფექციურ-ანთებითი პროცესის სწრაფ კუპირებას სასუნთქ გზებში. ექსპერიმენტულმა და კლინიკურმა კვლევებმა აჩვენა, რომ რენგალინი ეფექტურად ხსნის როგორც დღის, ასევე ღამის ხველას, თერაპიის პირველივე დღიდან ამსუბუქებს მას.

- რას იტყოდით COVID19-ის ფონზე განვითარებული ხველის შესახებ?

- მშრალი, შემაწუხებელი ხველა COVID19 ინფექციის დამახასიათებელი სიმპტომია და ხშირად ღამის პერიოდში შეტევითი ხასიათი აქვს. აღენიშნება COVID19-ით დაავადებულთა დაახლოებით 30-50%-ს, შემთხვევათა 80%-ში ეს არის მშრალი ხველა მცირე რაოდენობის ნახველით. პრაქტიკულად, ის შეიძლება ჩაითვალოს ჩვეულებრივ არაპროდუქტიულ ხველად, რომელიც არ განსხვავდება სხვა ვირუსული ინფექციების ფონზე განვითარებული ხველისაგან. მედიკამენტები, რომლებიც ამ შემთხვევაში გამოიყენება, მიმართულია ხველის კუპირებისაკენ. რენგალინიც, სხვა ხველის საწინააღმდეგო საშუალებებთან ერთად, შეგვიძლია ეფექტურად გამოვიყენოთ COVID19 ინფექციის დროს. აქვე დავძენ, რომ რენგალინი რამდენიმე ქვეყანაში შევიდა ახალი კორონავირუსული ინფექციის დროს განვითარებული მწვავე ან ნარჩენი ხველის სამკურნალოდ, „პრევენციის, დიაგნოსტიკის და მკურნალობის“ დროებითი გაიდლაინიების თანამედროვე ვერსიებში ბუტამირსა და ლევოდორიზინთან ერთად.

ბოლო ორმოცდაათი წლის განმავლობაში ხველის საწინააღმდეგო ფუნდამენტურად ახალი პრეპარატი არ შექმნილა, ამიტომ არის საყურადღებო რენგალინი, რომელიც ორიოდე წლის წინ გამოჩნდა ჩვენი ქვეყნის ფარმაცევტულ ბაზარზე და თავი დაიმკვიდრა როგორც მეტად ეფექტურმა და უსაფრთხო მედიკამენტმა.

პრეპარატს აქვს გამოშვების ორი ფორმა:

საწუწნი აბები და ხსნარი (ბავშვებისთვის 3 წლიდან), რომელთა მიღება შესაბამისი დოზირებით მოწოდებულია დღეში 3-ჯერ.

R