News
ინტერნეტში ხეტიალისას შეიტყო, რომ შვილის გაჩენა შეეძლო. ჯული კამერონს 15 წლის ასაკში მაიერ-როკიტანსკი-კიუსტეს-ჰაუზერის სინდრომის, მიულერის სადინარის აპლაზიის დიაგნოზი დაუსვეს (ეს თანდაყოლილი მანკი საშვილოსნოს სრულ ან ნაწილობრივ უქონლობას გულისხმობს). ქალი დარწმუნებული იყო, რომ შვილი არასოდეს ეყოლებოდა.
და აი, ერთ მშვენიერ დღეს ჯულიმ ინტერნეტში თავისი დაავადების შესახებ ინფორმაცია მოიძია და გაარკვია, რომ ამ სინდრომის მქონე ქალების უმრავლესობას ჯანსაღი, ნორმალურად მოფუნქციე საკვერცხეები აქვს, რაც იმას ნიშნავს, რომ მათგან შეიძლება კვერცხუჯრედის მიღება ექსტრაკორპორალური განაყოფიერებისთვის, თუმცა ჩანასახის გამოზრდა სუროგატ დედას მოუწევს. დღეს ბედნიერი ცოლ-ქმარი უკვე ტყუპს ელის.
უწყობს თუ არა ხელს ვიაგრა დაორსულებას?
34 წლის ბრიტანელი ქალი, რომელმაც სამჯერ მიმართა ექსტრაკორპორალურ განაყოფიერებას, მაგრამ ამაოდ, ვიაგრით მკურნალობის შემდეგ დაორსულდა. კერი ჰორანი 2002 წლიდან მოყოლებული ცდილობდა დაორსულებას. სამი წლის შემდეგ, როგორც იქნა, ბავშვი ჩაისახა, მაგრამ ორსულობის მე-12 კვირას ქალს მუცელი მოეშალა. ამის შემდეგ ჩატარებულმა ექსტრაკორპორალური განაყოფიერების სამმა პროცედურამ სასურველი შედეგი ვერ გამოიღო.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
2009 წელს კი კერიმ უნაყოფობის სამკურნალოდ ნოტინჰემის კერძო კლინიკას მიმართა. გამოკვლევამ აჩვენა, რომ მისი საშვილოსნოს სისხლის მიმოქცევა საკმარისი არ იყო ლორწოვანი გარსის სრულფასოვანი განვითარებისთვის, ამიტომ ემბრიონი მასში იმპლანტაციას ვერ ახერხებდა. მკურნალმა ექიმმა ჰორანს ვიაგრის კურსის ჩატარება ურჩია. საქმე ის არის, რომ ეს პრეპარატი შინაგან ორგანოებში სისხლის მიმოქცევას აუმჯობესებს (თავდაპირველად სილდენაფილი სწორედ გულის იშემიური დაავადების სამკურნალოდ შეიმუშავეს). ჰორანი ვიაგრას 9 დღის განმავლობაში სვამდა. კურსის დასასრულს ჩატარებულმა ულტრასონოგრაფიულმა გამოკვლევამ საშვილოსნოს ლორწოვანი გარსის გასქელება აჩვენა. ამის შემდეგ ქალს კიდევ ერთხელ ჩაუტარეს ექსტრაკორპორალური განაყოფიერების პროცედურა. ორი კვირის შემდეგ გამოკვლევამ ცხადყო, რომ კერი ორსულად იყო. 2009 წლის დეკემბერში მან ჯანმრთელი გოგონა გააჩინა.
კვერცხუჯრედი ლატარიით
ლონდონის ერთ-ერთმა კლინიკამ, რომლის პროფილი უნაყოფობის მკურნალობაა, გადაწყვიტა, თავისი მომსახურებისთვის კვერცხუჯრედის ლატარიაში გათამაშებით გაეწია რეკლამა. ბრიტანული კანონის მიხედვით, ქალს ეკრძალება გახდეს კვერცხუჯრედის დონორი შემოსავლის მიღების მიზნით. ამასთანავე, ქალი, რომელიც კვერცხუჯრედის უფასო დონორი გახდება, ვალდებულია, ბავშვს სრულწლოვანებამდე მისცეს თავისი პირადი მონაცემები და თუ ის მოისურვებს, შეხვდეს კიდეც. ასეთი პირობების გამო დიდ ბრიტანეთში დონორის კვერცხუჯრედზე მოთხოვნა საგრძნობლად აღემატება დონორების რაოდენობას.
ლონდონის კლინიკა Bრიდგე ჩენტრე-მა კი გენეტიკისა და ექსტრაკორპორალური განაყოფიერების ინსტიტუტთან ერთად შეიმუშავა სქემა, რომელიც კანონის გვერდის ავლის საშუალებას იძლევა. სქემის არსი ასეთია: ქალებს, რომლებსაც კვერცხუჯრედი სჭირდებათ, აშშ-ში გზავნიან სამკურნალოდ - იქ დონორის ანონიმურობასა და ანაზღაურებას კანონი იცავს. თუმცა პროგრამაში მონაწილე ამერიკელი დონორები ვალდებულნი არიან გასცენ ინფორმაცია თავიანთი ეთნიკური წარმომავლობის, ჯანმრთელობის, აღზრდის სტილისა და განათლების შესახებ და თავიანთი ბავშვობის ფოტოსურათიც კი უნდა წარადგინონ. გარდა ამისა, უნდა იყვნენ 19-დან 32 წლამდე ასაკისა, ჰქონდეთ ან იღებდნენ საუნივერსიტეტო განათლებას, არ ეწეოდნენ და არ უჩიოდნენ ჭარბ წონას.
ბრიტანელებისთვის აშშ-ში ექსტრაკორპორალური განაყოფიერება დონორის კვერცხუჯრედით 13 ათასი გირვანქა სტერლინგი (დაახლოებით 20 000 დოლარი) ჯდება. სქემისთვის საზოგადოების ყურადღება რომ მიეპყრო, კლინიკამ სემინარზე გაათამაშა დონორის კვერცხუჯრედი და მკურნალობის კურსი, რომელშიც შედის ექსტრაკორპორალური განაყოფიერება ვირჯინიის შტატის ერთ-ერთ საავადმყოფოში.
