კვერცხუჯრედის გაახალგაზრდავება შესაძლებელი იქნება - მეცნიერები 40 წელს გადაცილებულ ქალბატონებს დედობას ჰპირდებიან
და ანტივირუსული პრეპარატების საშუალებით შემოაბრუნეს ეს პროცესი.
მართალია, ჯერჯერობით ეს „სინჯარაში“ მოხდა, მაგრამ მეცნიერების მტკიცებით 40 წელს გადაცილებული ქალის „გაახალგაზრდავებულ“ კვერცხუჯრედს აღმოაჩნდა 20 წლის ქალის კვერცხუჯრედისთვის დმახასიათებელი თვისებები.
ცნობილია, რომ ქალის ფერტილობა ქვეითდება ასაკთან ერთად, ხოლო კვერცხუჯრედებში გროვდება გენეტიკური დაზიანება, რაც იწვევს სპონტანურ აბორტს და ნაყოფის თანდაყოლილ დეფექტებს. 40 წლის ასაკისათვის კვერცხუჯრედში დნმ-ის იმდენი დაზიანების აკუმულირება ხდება, რომ კარგავს მომწიფებისა და განაყოფიერების უნარს.
ისრაელის მეცნიერება გამოავლინეს ბიოლოგიური მექანიზმები, რომელიც მოიცავს ორგანიზმის დაბერების პროცესს. ამ მექანიზმის ფარგლებში დნმ-ის ცალკეული უბნები ღებულობენ დნმ-ის სხვა უბნების შეტევისა და დაზიანების უნარს, ისე, როგორც ეს ხდება ვირუსის უჯრედშიგნით გამრავლებისას. ნორმაში ორგანიზმს ამ პროცესის შეჩერების უნარი აქვს, იცავს რა კვერცხუჯრედსაც, მაგრამ ასაკის მატებასთან ერთად ეს დაცვა სუსტდება.
რადგანაც დნმ-ის შემტევი ნაწილი ვირუსივით იქცევა, მეცნიერებმა ივარაუდეს, რომ კვერცხუჯრედში ანტივირუსული პრეპარატის დამატებისას, შეიძლება მოხდეს დაბერების დამუხრუჭება და მისი გაახალგაზრდავება. ამ ჰიპოთეზის სისწორე დადასტურდა მრავალრიცხოვანი ლაბორატორიული ექსპერიმენტით თაგვების ასეულობით კვერცხუჯრედზე და შემდეგ ადამიანის კვერცუჯრედებზეც. ამგვარად გაახალგაზროავებულ კვერცხუჯრედში გაცილებით ნაკლებია დნმ-ის დაზიანება და წარმატებულად მწიფდება.
მეცნიერებს ჯერ არ გამოუკვლევია ეს მეთოდი როგორ მოქმედებს კვერცხუჯრედის განაყოფიერებაზე, მაგრამ იმედოვნებენ რომ ფერტილობა გაიზრდება და 40 წელს გადაცილებული ქალები წარმატებით დაორსულდებიან და გააჩენენ ჯანმრთელ ბავშვებს.