რა კვლევაა ეზოფაგოდუოდენოსკოპია და როდისაა მისი ჩატარება საჭირო - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

რა კვლევაა ეზოფაგოდუოდენოსკოპია და როდისაა მისი ჩატარება საჭირო

ეზოფაგოდუოდენოსკოპია საჭმლის მომნელებელი ტრაქტის ზედა ნაწილის ლორწოვანი გარსის მდგომარეობის ვიზუალურად შეფასებისა და პათოლოგიის აღმოჩენის შემთხვევაში ჰისტოლოგიური კვლევისთვის მასალის აღების (ბიოფსია) შესაძლებლობას იძლევა.

ვისთვის და რატომაა რეკომენდებული ეზოფაგოდუოდენოსკოპია

ეზოფაგოდუოდენოსკოპია დიაგნოსტიკისთვის რეკომენდებულია შემდეგი მდგომარეობისას:

  • დისპეფსია (გულისრევა, ბოყინი, ღებინება);
  • ტკივილი მუცლის ზედა მიდამოში;
  • გულძმარვა (სიმჟავის ან სიმწარის შეგრძნება, ყელის ან გულმკერდის წვა);
  • სისხლდენა (სისხლიანი ღებინება ან განავალში სისხლი);
  • დისფაგია - ყლაპვის გაძნელება (როდესაც საკვები ან სითხე საყლაპავში „იჭედება“);
  • კუჭ-ნაწლავის ტრაქტის ზედა ნაწილში რე­ნტგენოლოგიურად გამოვლენილი პათოლოგიები.

კვლევის დროს დამატებით შეიძლება შესრულდეს:

  • ბიოფსია (შემდგომი ჰისტოლოგიური კვლევისთვის);
  • კუჭის ლორწოვანი გარსის ბიოპტატში Нelicobacter pilory-ს განსაზღვრა.

სამკურნალო მიზნით:

  • კუჭის პოლიპების მოშორება;
  • უცხო სხეულის მოშორება;
  • სიმსივნური დაზიანებისას საყლაპავის, კუჭის ენდოპროთეზირება (სტენტირება);
  • სისხლდენის შეჩერება საყლაპავისა და კუჭის ვარიკოზულად გაგანიერებული ვენებიდან (ლიგირება), კუჭისა და თორმეტგოჯა ნაწლავის წყლულიდან (კომბინირებული ჰემოსტაზი).

რა უპირატესობები აქვს ეზოფაგოდუოდენოსკოპიას?

თანამედროვე ენდოსკოპიური სისტემები იძლევა შესაძლებლობას, სხვადასხვა რეჟიმში დათვალიერდეს ლორწოვანი გარსი და ყოველმხრივ შეფასდეს მახასიათებლები. კვლევის ეს მეთოდი მოხერხებული ინსტრუმენტია კიბოსწინარე პათოლოგიებისა და კიბოს ენდოსკოპიური სკრინინგის დროსაც.

როგორ მოვემზადოთ კვლევისთვის:

  • ეზოფაგოდუოდენოსკოპია სასურველია ჩატარდეს დღის პირველ ნახევარში, უზმოზე;
  • საკვები ბოლოს უნდა მიიღოთ მსუბუქი ვახშმის სახით, წინა საღამოს, არა უგვიანეს 19 საათისა.

ენდოსკოპიის ჩატარებისას პაციენტი უნდა იწვეს მარცხენა გვერდზე. ენდოსკოპით ექიმი ათვალიერებს საყლაპავის შიგნითა ზედაპირს, შემდეგ კუჭისა და თორმეტგოჯა ნაწლავის ყველა ნაწილს. გადიდებული გამოსახულება ჩანს მონიტორზე, ამიტომ ექიმს შესაძლებლობა აქვს დაინახოს ქსოვილის მინიმალური ცვლილებაც კი. ენდოსკოპის არხით შესაძლებელია ბიოფსიის აღება (ქსოვილების მცირე ზომის ნაწილები), სითხისა და ჰაერის შეყვანა და ამოღება. ბიოფსია უმტკივნეულო პროცედურაა.

კვლევისას ენდოსკოპის კამერის საშუალებით მიმდინარეობს ვიდეოჩაწერა. პაციენტი ღებულობს ციფრულ ჩანაწერს დასკვნასთან ერთად.

გაუტკივარება

ეზოფაგოდუოდენოსკოპიისას შესაძლოა აღინიშნოს დისკომფორტი, რის გამოც კვლევა ტარდება ნარკოზით. პაციენტი ხანმოკლე მედიკამენტური ძილის მდგომარეობაშია. პაციენტი ადვილად იღვიძებს პროცედურის დასრულების შემდეგ და უკვე 2 საათის შემდეგ შეუძლია შეუდგეს ყოველდღიურ საქმიანობას.