ბრიტანელ მამაკაცს 3D-პრინტერზე დაუბეჭდეს თვალის პროთეზი
სპეციალურად პაციენტ სტივ ვერცისთვის დაამზადეს თვალის პროთეზი. პაციენტი 20 წლის ასაკიდან სარგებლობდა ხელოვნური თვალით.
დღეს არსებული ტექნოლოგიით, თვალის პროთეზის დამზადება საკმაოდ რთული ინვაზიური პროცესია, განსაკუთრებით ბავშვებისთვის, რომელიც მიმდინარეობს ზოგადი ნარკოზით. ხელოვნური თვალის მოხატვა ხდება ხელით. საერთო ჯამში პროთეზის დამზადებას სჭირდება ექვსი კვირა.
ახალი ტექნოლოგია ამ დროს ანახევრებს. თავდაპირველად ხდება თვლბუდის ციფრული სკანირება, შემდეგ პროგრამული უზრუნველყოფით იქმნება თვალის მოცულობითი მოდელი. იმისათვის რომ ხელოვნური თვალი სრულად შეესაბამებოდეს ნამდვილს, ხდება ჯანმრთელი თვალის სკანირებაც. მიღებული მოდელი იბეჭდება 3D-პრინტერზე ორსაათნახევარში. შემდეგ მოდელს გადასცემენ თვალის პროთეზის სპეციალისტს, რომელიც ასრულებს პროცესს. მთელი პროცესი მოიცავს ორ-სამ კვირას.
შედეგად მიიღება უფრო რეალისტური ხელოვნური თვალი. მსოფლიოში პირველი ციფრული თვალის პროთეზის მფლობელი პაციენტის განცხადებით მისი ახალი თვალი „უბრალოდ ფანტასტიკურია“ .
პროთეზის რეციპიენტი Steve Verse - მას მარჯვენა თვალი აქვს პროთეზიტებული.