ჰიპერტენზიით დაავადებული ყოველი 5 ადამიანიდან 1 ღებულობს ისეთ მედიკამენტებს, რომლებიც არტერიული წნევის გაზრდას იწვევენ
აშშ-ს დაავადებათა კონტროლისა და პრევენციის ცენტრის ( CDC) თანახმად, ყოველი 4 პაციენტიდან მხოლოდ 1 ახერხებს, არტერიული წნევის რეკომენდებულ დონემდე (120/80) შემცირებას, მკურანლობის შედეგად.
ჰიპერტენზია ინფარქტისა და ინსულტის რისკს ზრდის, რაც აშშ-ში სიკვდილიანობის ერთ-ერთი წამყვანი მიზეზებია.
მაღალი არტერიული წნევა შესაძლებელია გამოწვეული იყოს სხვადასხვა ფაქტორით, მათ შორის: გენეტიკა, არასწორი კვება, უმოძრაო ცხოვრების წესი, ზოგიერთი დაავადება და სხვ. წნევის მატება შესაძლებელია ზოგიერთი სახის სამკურნალო პრეპარატმაც გამოიწვიოს.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ბოსტონის სამედიცინო ცენტრის მკვლევარები დაინტერესდნენ, თუ რამდენი ჰიპერტენზიით დაავადებული ადამიანი ღებულობს ისეთ წამლებს, რომლებმაც შესაძლებელია არტერიული წნევის გაზრდა გამოიწვიოს.
კვლევის ანალიზის შედეგად გაირკვა, რომ ჰიპერტენზიით დაავადებული ყოველი 5 ადამიანიდან 1 ღებულობს წამლებს, რომლებიც არტერიული წნევის მატებას იწვევენ - ეს ზრდასრულთა 15%-ია.
აღსანიშანავია ისიც, რომ აღნიშნული პრეპარატების მოხმარება მათთვის, ვინც არ მკურნალობენ მაღალ არტერიულ წნევას (უკონტროლო ჰიპერტენზიის შემთხვევები), რისკის შემცველია და შესაძლებელია ჯანმრთელობის გაურესება გამოიწვიოს.
ყველაზე ხშირად გამოწერილი მედიკამენტები, რომლებიც არტერიული წნევის მატებას იწვევენ არის: ანტიდეპრესანტები, არასტეროიდული ანთების საწინააღმდეგო საშუალებები, სტეროიდები და ესტროგენები.
ვირჯინიის თანამეგობრობის უნივერსიტეტის ფარმაციის სკოლის ასოცირებული პროფესორის Dr. Dave Dixon-ის შეფასებით, აღნიშნული კვლევის შედეგები ყურადღებას ფარმაცევტების მნიშვნელოვან როლზე ამახვილებს.
აუცილებელია, მათ ჰიპერტენზიის მქონე პაციენტებს შესაბამისი დახმარება გაუწიონ მედიკამენტის არჩევისას. მაგალითად, ყველა ანტიდეპრესანტი არ იწვევს არტერიული წნევის მატებას, ამიტომ ფარმაცევტს შეუძლია რეკომენდაცია გაუწიოს ალტერნატიულ საშუალებას, რომელსაც ნაკლებად, ან საერთოდ არ აქვს აღნიშნული უკუჩვენება.
