News
- ასეთ დასკვნამდე მივიდნენ შვედი მეცნიერები, რომლებიც ამ დაავადებაზე მემკვიდრეობისა და გარეგანი ფაქტორების გავლენას იკვლევდნენ. რევმატოიდული ართრიტი შემაერთებელი ქსოვილის ქრონიკული სისტემური დაავადებაა, რომელსაც წვრილი სახსრების აუტანელი ტკივილი ახასიათებს. მხოლოდ დიდ ბრიტანეთში ეს დაავადება დაახლოებით 400 ათას ადამიანს სჭირს. გამოკვლევაში მონაწილეობა მიიღო 2750-მა ადამიანმა, რომელთა შორის იყვნენ როგორც რევმატოიდული ართრიტით დაავადებულები, ასევე ჯანმრთელებიც. მონაწილეებს გამოჰკითხეს, რამდენ ალკოჰოლს მოიხმარდნენ და რამდენ სიგარეტს ეწეოდნენ. გარდა ამისა, გამოიკვლიეს მათი ის გენებიც, რომლებიც ხელს უწყობენ რევმატოიდული ართრიტის განვითარებას. გაირკვა, რომ მათ, ვინც კვირაში ას გრამ და მეტ სუფთა ალკოჰოლს იღებდა, რევმატოიდული ართრიტი 1,5-ჯერ უფრო იშვიათად უვითარდებოდათ, ვიდრე მათ, ვინც საერთოდ არ ეკარებოდა სასმელს. ეს დამოკიდებულება შეიმჩნეოდა როგორც მამაკაცებში, ასევე ქალებშიც. ალკოჰოლის დამცველობითი მექანიზმი ჯერჯერობით უცნობია. მეცნიერები ვარაუდობენ, რომ სპირტიანი სასმელი თრგუნავს აუტოიმუნურ პროცესებს, რომლებიც ართრიტის განვითარებაში დიდ როლს ასრულებს.
ტონზილიტის გამომწვევი ბაქტერია ბავშვებს აგიჟებს
სტრეპტოკოკს, ბაქტერიას, რომელსაც ყველაზე ხშირად მიუძღვის ბრალი ტონზილიტის განვითარებაში, თურმე შეუძლია, მძიმე დარღვევები გამოიწვიოს, - აცხადებენ ნიუ-იორკის შტატში მდებარე როჩესტერის სამედიცინო უნივერსიტეტის მეცნიერები, რომლებმაც ნერვულ სისტემაზე ამ მიკრობის გავლენა აღმოაჩინეს. მათ უკვე აღწერეს ბავშვთა ნეიროფსიქიკური დარღვევების შემთხვევები. ბავშვები, რომელთა საშუალო ასაკი 7 წელია, საავადმყოფოში ფსიქიკური დარღვევების სიმპტომებით მოხვდნენ. მათ განუწყვეტლივ უჩნდებოდათ არასასურველი აზრები და სურვილები, სჩადიოდნენ სტერეოტიპულად განმეორებად მოქმედებებს, აღენიშნებოდათ არაკონტროლირებადი გრიმასები, ტიკები და მოძრაობები. ამასთანავე, გამუდმებით აწუხებდათ ყელის ტკივილი, ჰქონდათ ქრონიკული ტონზილიტი. ხახის ნაცხში მათ A ჯგუფის ბეტა-ჰემოლიზური სტრეპტოკოკი აღმოუჩინეს. ის ბავშვები, რომელთაც პენიცილინის ჯგუფის ანტიბიოტიკებით ან ცეფალოსპორინებით უმკურნალეს, მომჯობინდნენ და ფსიქიკური დარღვევების სიმპტომები გაუქრათ. ექვს მათგანს მოგვიანებით დაავადების რეციდივი განუვითარდა, მაგრამ ანტიბიოტიკით განმეორებითმა თერაპიამ ისინი საბოლოოდ იხსნა ბაქტერიისა და ნეიროფსიქიკური სიმპტომატიკისგან.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
ლუდი, პოდაგრა და ტკივილი
მასაჩუსეტსის საავადმყოფოში ერთხელ კიდევ დადასტურდა უძველესი სიბრძნე, რომ სმა ჯანმრთელობისთვის მავნებელია. მეცნიერებმა დაადგინეს, რომ ალკოჰოლიანი სასმელების, განსაკუთრებით კი ლუდის სმა პოდაგრის განვითარების რისკს ორჯერ და მეტად ზრდის. პოდაგრა ერთ-ერთი უძველესი დაავადებაა, რომელსაც სახსრის გაუსაძლისი ტკივილები ახასიათებს. პოდაგრას სისხლში შარდმჟავას მაღალი შემცველობა იწვევს. ჭარბად დაგროვილი შარდმჟავა კრისტალებად გარდაიქმნება და სახსრებში, უმეტესად კი ფეხის დიდ თითში, ილექება. შარდმჟავას რაოდენობა იმატებს პურინების შემცველი საკვებისა და სასმლის მიღების შედეგად. მონელების პროცესში სწორედ პურინები გარდაიქმნება შარდმჟავად. ლუდში კი ამ ნივთიერებათა შემცველობა ძალიან მაღალია. დაავადების ალკოჰოლთან კავშირს მრავალი საუკუნეა ეჭვობენ, ბოლოდროინდელი მონაცემები კი ამ კავშირის არსებობას ადასტურებს. რისკს ლუდის უმნიშვნელო ოდენობით სმაც კი ზრდის. მეტიც: ალკოჰოლური სასმელებიდან ლუდი ამ კუთხით ყველაზე საშიშია. გამოკვლევები საფუძველს იძლევა ვივარაუდოთ, რომ ღვინის ზომიერი მოხმარება ამ თვალსაზრისით უსაფრთხოა, თუმცა იმ მამაკაცების რიცხვი, რომლებიც ღვინოს ზომიერად სვამენ, არც ისე დიდია, რომ მეცნიერებმა მისი უვნებლობა დაბეჯითებით ამტკიცონ. მასაჩუსეტსელი მკვლევარები 12 წლის განმავლობაში აკვირდებოდნენ 47 ათას მამაკაცს. დაკვირვების დასაწყისში არც ერთ მათგანს პოდაგრა არ ჰქონდა, მაგრამ დროთა განმავლობაში ეს დაავადება დაემართა 730 მათგანს (ეს კი გამოსაკვლევ პირთა საერთო რაოდენობის თითქმის 2%-ს შეადგენს). ყველას, ვისაც პოდაგრა სჭირს, ექიმები ურჩევენ, სამუდამოდ გამოეთხოვონ ალკოჰოლს.
