გოგონა, ბიჭუნა და განსხვავება მათ აღზრდაში - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

გოგონა, ბიჭუნა და განსხვავება მათ აღზრდაში

ბიჭუნები ბიოლოგიური ასაკით თანატოლ გოგონებზე უმცროსნი არიან. მათ უფრო გვიან უვითარდებათ ტვინის შუბლის წილები, რომლებიც პასუხს აგებენ მოქმედების დაგეგმვასა და ქცევის კონტროლზე. გვესმის, რომ გოგონებისა და ბიჭუნების აღზრდა ერთნაირად არ უნდა წარვმართოთ, მაგრამ ამას ყოველთვის ზუსტად როდი ვაყალიბებთ. მაგალითად, დაკვირვებამ აჩვენა, რომ ახალშობილი გოგონები დედებს უფრო ხშირად აჰყავთ ხელში, უფრო მეტად ეფერებიან, ვიდრე ბიჭებს. ბიჭუნებს ასე ნაზად იშვიათად ეპყრობიან - ჩვენ ხომ კაცი უნდა გავზარდოთ! ფსიქოლოგები კი ამტკიცებენ, რომ ალერსის ნაკლებობა ბიჭუნების განვითარებას აფერხებს, იწვევს ჯანმრთელობასა და ფსიქიკასთან დაკავშირებულ პრობლემებს. არსებობს ასეთი სტერეოტიპი: ითვლება, რომ გოგონების დაყოლიება უფრო იოლია. სინამდვილეში კი პატარა კუდრაჭები მხოლოდ პატარაობისას არიან დამჯერნი, წამოიზრდებიან თუ არა, ისე იქცევიან, როგორც თვითონ სურთ და მიაჩნიათ საჭიროდ. ბიჭუნებთან მორიგება, თუ ისინი ჯგუფებად არიან ორგანიზებულნი, უფრო ადვილიც კია! ასეთი მცდარი შეხედულება მრავლად არის. მოდი, შევამოწმოთ ისინი და გავფანტოთ, რათა ბავშვის გაგება უფრო მეტად გაგვიადვილდეს. როგორები წარმოგვიდგენია ჩვენი პატარები და როგორები არიან ისინი სინამდვილეში?

 

ბაფთები და არშიები

ბიჭის მშობლები დარწმუნებულნი არიან, რომ გოგონების აღზრდა ადვილია:

1. მიჩნეულია, რომ გოგონები უფრო პასიურები არიან, ვიდრე ბიჭები.

სინამდვილეში: გოგონები ნაკლებად ხმაურობენ, სამაგიეროდ უფრო მიზანმიმართულად და ეფექტურად მოქმედებენ.

2. მიჩნეულია, რომ გოგონები ვერ იტანენ აგრესიას.

სინამდვილეში: ვერ იტანენ. მაგრამ ასევე მტკივნეულად აღიქვამენ აგრესიას ბიჭებიც.

3. მიჩნეულია, რომ გოგონებში კოლექტივიზმის განცდა უფრო ძლიერია, ვიდრე ბიჭებში.

სინამდვილეში: როგორც გოგონებს, ისე ბიჭებს უყვართ კოლექტივში გაერთიანება, თუმცა გოგონების კომპანიაში 2-3 ადამიანზე მეტი არ არის, ხოლო ბიჭებისაში შესაძლოა მთელი ჯგრო იყოს.

4. მიჩნეულია, რომ გოგონები ადვილად ექცევიან სხვისი გავლენის ქვეშ;

სინამდვილეში: მოზარდ ქალბატონებს ყველაფერზე საკუთარი აზრი აქვთ, მაშინ, როცა ბიჭები მიდრეკილნი არიან დაიცვან წესები, რომლებიც მიღებულია გუნდში.

5. მიჩნეულია, რომ გოგონებს უფრო მეტად იპყრობთ შიშის გრძნობა.

სინამდვილეში: ბიჭებზე მეტად არა. უბრალოდ, ისინი ამას უფრო ხშირად აღიარებენ.

6. მიჩნეულია, რომ გოგონებს უფრო ხშირად ტანჯავთ არასრულფასოვნების კომპლექსი.

სინამდვილეში: მსგავსი არაფერი ხდება! გოგონები უფრო იოლად ეგუებიან ცხოვრებას და ახდენენ ადაპტაციას, პოულობენ თავიანთ ადგილს და დანიშნულებას.

 

პატარა მონსტრები

ბიჭზე მცირე ასაკიდანვე განსაკუთრებულ იმედებს ამყარებენ: ის ხომ ოჯახის მომავალი მცველი და პატრონია. რა თქმა უნდა, კარგი იქნება, თუ მათში ამ შესანიშნავ თვისებებს აღვზრდით, მაგრამ უპირველეს ყოვლისა უნდა გავიგოთ, რას შეიძლება ველოდოთ ჩვენი მოუსვენარი პატარასაგან.

1. მიჩნეულია, რომ ბიჭები უფრო აქტიურები და ინიციატივიანები არიან.

სინამდვილეში: ადრეულ ასაკში ბიჭები ამ მხრივ გოგონებისგან თითქმის არ განსხვავდებიან, სკოლაში კი ბევრი რამ არის დამოკიდებული გარემოცვაზე, იმაზე, თუ როგორი ატმოსფეროა კლასში.

2. მიჩნეულია, რომ ბიჭები უფრო ამბიციურნი არიან.

სინამდვილეში: მიზნის მისაღწევად ბიჭების უმრავლესობას ბიძგი სჭირდება, გოგონები კი დამოუკიდებლად მოქმედებენ.

3. მიიჩნევა, რომ ბიჭებს უყვართ ლიდერობა, მეთაურობა.

სინამდვილეში: გოგონებზე მეტად არა, მაგრამ თუ ბიჭები, ჩვეულებრივ, თავს ახვევენ სხვებს თავიანთ ნება-სურვილს, გოგონები რბილად, დიპლომატიურად მოქმედებენ.

4. მიჩნეულია, რომ ბიჭებს შემოქმედებითი ბუნება აქვთ, ვერ იტანენ მონოტონურ საქმიანობას.

სინამდვილეში: ბიჭებსაც და გოგონებსაც ერთნაირად აქვთ განვითარებული მექანიკური დამახსოვრების და არასტანდარტული გადაწყვეტილების მიღების უნარი.

5. მიჩნეულია, რომ ბიჭებს უფრო ანალიტიკური გონება აქვთ.

სინამდვილეში: გოგონები ზუსტად ასეთი მონაცემების დემონსტრირებას ახდენენ.

 

მოდი, როლები გავცვალოთ!

წააქეზეთ და წაახალისეთ ბავშვები ისეთი თამაშებისკენ, რომლებიც ვაჟებს სიმამაცეს განუვითარებს, ხოლო გოგონებს - ქალურობას. ნუ აღშფოთდებით და ნუ გაუწევთ წინააღმდეგობას, თუ გოგონა მანქანებსა და თოფებზე გადაერთო, ხოლო ბიჭუნა - თოჯინებზე. მიეცით საშუალება ბიჭუნას, მზრუნველი მამის თვისებები განივითაროს, გოგონას კი წაადგება, თუ მოძრაობის კოორდინაციაში ივარჯიშებს. ბიჭებისთვის განსაკუთრებით მნიშვნელოვანია, რისთვის შეაქებენ, გოგონებისთვის კი იმას აქვს მნიშვნელობა, ვინ და როგორი ტონით შეაქებს მათ. ნურასოდეს შეადარებთ ერთმანეთს სხვადასხვა სქესის ბავშვებს. მით უმეტეს, მაგალითად ნუ დაუსახავთ საპირისპირო სქესის ბავშვს.