ლოთების სიმრავლე ჩინგიზ ყაენის ბრალი ყოფილა
ამ გენის გამო რუსები, ისევე როგორც აზიელთა უმეტესობა, სწრაფად თვრებიან, აქვთ საკმაოდ მძიმე გამოზარხოშების სინდრომი და ალკოჰოლიზმით დაავადების მაღალი ალბათობა.
ამ გენის `ევროპული ვერსიის მატარებლები თრობას შედარებით იოლად იტანენ, აქვთ უფრო მსუბუქი ნაბახუსევი და ალკოჰოლიზმით დაავადებაც ნაკლებად ემუქრებათ.
გამოკვლევა რუსეთის ნარკოლოგიის ნაციონალურმა კვლევითმა ცენტრმა ჩაატარა. ექსპერიმენტში მონაწილეობა მიიღეს მოსკოველმა სტუდენტებმა, რომლებსაც 350 მლ არაყი დაალევინეს, შემდეგ კი რამდენიმე ტესტის გავლა შესთავაზეს. მოხალისეები თამაშობდნენ კომპიუტერულ თამაშებს, პასუხობდნენ კითხვებზე, ამ ხნის განმავლობაში კი მათ სისხლში ალკოჰოლის უწყვეტი კონტროლი მიმდინარეობდა.
სტუდენტებს, რომლებსაც მონღოლოიდური გენები ჰქონდათ, სისხლში სპირტის კონცენტრაცია 1,5-ჯერ მეტი აღმოაჩნდათ, ვიდრე ევროპეოიდული გენის მატარებლებს, ალკოჰოლის გახლეჩა კი მათ ორგანიზმში, პირიქით, უფრო ნელა ხდებოდა.
/* (c)AdOcean 2003-2021, Advertline.https:mkurnali.ge.mkurnali zones.________ _____ */
ado.slave('adoceanadvertlinegelpmmhkfobb', {myMaster: 'gC_g7BxQlx9UWDeCK7yaEdkgIoxg2l6o6JUmNs2rvgn.i7' });
მეცნიერები ირწმუნებიან, რომ ასეთი ადამიანების ორგანიზმში ალკოჰოლური თრობა სხვაგვარად მიმდინარეობს. დიდია აგრესიის ან დეპრესიის აღმოცენების ალბათობა. ეს ფენომენი ნაწილობრივ შეიძლება ევოლუციით აიხსნას: მომთაბარე მონღოლებს, რომლებიც მხოლოდ ცხენის რძეს სვამდნენ, ევოლუციის პროცესში გამოუმუშავდათ განსხვავებული ფერმენტი, ვიდრე ევროპელებს, რომლებსაც ყურძნისა და მარცვლეულისგან მაგარი სპირტიანი სასმელების გამოხდა-დაყენების უძველესი ტრადიცია ჰქონდათ.
შესაძლოა, ექსპერიმენტის შედეგები ალკოჰოლიზმისგან განკურნების ახალი მეთოდის შემუშავებისთვის გამოიყენონ. ფარმაკოლოგიურმა კომპანიებმა კვლევის დაჩქარებისთვის თანხები უკვე გამოყვეს.
