”მკურნალის” რედაქცია

პორტუგალიელმა მეცნიერებმა ლონდონის საუნივერსიტეტო კოლეჯის მკვლევარებთან ერთად აღმოაჩინეს სეროტონინის კიდევ ერთი, აქამდე უცნობი ეფექტი.

როგორც ირკვევა, დასახელებული ნივთიერება ახალი ინფორმაციის შეთვისების პროცესზე დადებითად მოქმედებს. ამ დასკვნამდე მეცნიერები ვირთაგვებზე დაკვირვების შედეგად მივიდნენ. ექსპერიმენტის პირობებში ჯილდოს მისაღებად ცხოველებს სწორად უნდა განესაზღვრათ წყლის მიმწოდებელი წყარო; აღმოჩნდა, რომ სეროტონინერგული ნეირონების სტიმულაციის შემდეგ ვირთაგვები სწრაფად ადაპტირდებოდნენ გარემოში და ამოცანის გადასაწყვეტად ახალ ინფორმაციას ადვილად ითვისებდნენ.

ახალი კვლევის შედეგები სეროტონინის როლსა და მნიშვნელობას კიდევ უფრო აფართოებს.

თინათინ გოცაძე