გრიპი ინფარქტისა და ინსულტის რისკს აორმაგებს
მათი მონაცემებით, გრიპი და სასუნთქი გზების სხვა მძიმე ინფექციური დაავადებები მნიშვნელოვნად ზრდის გულ-სისხლძარღვთა დაზიანების რისკს.
კვლევის ხელმძღვანელმა ტომ მიდმა და მისმა კოლეგებმა შეისწავლეს მონაცემთა ბაზა, რომელიც ორი მილიონი პაციენტის შესახებ შეიცავდა ინფორმაციას. აღმოჩნდა, რომ გრიპით, ბრონქიტითა და პნევმონიით დაავადების პირველ კვირას ინფარქტისა და ინსულტის განვითარების ალბათობა ორმაგდება. დროთა განმავლობაში ეს მაჩვენებელი იკლებს და ერთი თვის შემდეგ საწყის რიცხვს უბრუნდება. უნდა აღინიშნოს, რომ გრიპით ინფიცირებული პაციენტებისთვის გულ-სისხლძარღვთა სისტემის მხრივ გართულებათა აბსოლუტური მაჩვენებელი დიდი არ არის და დაახლოებით 2%-ს უტოლდება, მაგრამ მთლიანობაში (რაოდენობრივად) ეს რიცხვი საკმაოდ დიდი გამოდის.
-
ინფექციებსა და ინფარქტ-ინსულტს შორის კავშირი ჯერ კიდევ უცნობია. მკვლევარების აზრით, სასუნთქი გზების ინფექცია შეიძლება მოქმედებდეს სისხლის შემადედებელ ფაქტორებზე და ზრდიდეს თრომბის განვითარების რისკს.
კვლევის ხელმძღვანელი ტომ მიდი გულ-სისხლძარღვთა პათოლოგიების მქონე პაციენტებს გრიპის საწინააღმდეგო აცრების ჩატარებას ურჩევს.