ფიზიკური დატვირთვა ასთმის შეტევას აპროვოცირებს
იზრდება ფილტვების ინფიცირების რისკიც. მაგალითად, ლოს ანჯელესის მარათონის დასრულებიდან ერთი კვირის შემდეგ სპორტსმენების 13%-ს ზედა სასუნთქი გზების ინფექცია განუვითარდა, მაშინ როცა მოკლე დისტანციაზე მორბენალთა შორის ავად სულ 2% გახდა. მრავალი მძლეოსანი ვარჯიშს და შეჯიბრებებში მონაწილეობას რესპირატორული ინფექციის გადატანისთანავე განაგრძობს და არ ასრულებს რეკომენდაციებს, რომლებიც დატვირთვის თანდათანობით ზრდას ეხება. მათ დასარწმუნებლად სტატისტიკას მოვიშველიებთ: ექიმის ამ მარტივი მოთხოვნების შესრულებამ ნორვეგიელ მოთხილამურეებში ასთმის საწინააღმდეგო საშუალებების გამოყენება 6-ჯერ შეამცირა.