რა გავლენა აქვს კლიმატის ცვლილებას საკვებზე
მასშტაბით, სოფლის მეურნეობასა და კვების მრეწველობაზე. საშუალო ტემპერატურის მომატების გამო, სამხრეთ რეგიონებში კიდევ უფრო ცხელა, ხოლო ჩრდილოეთში თბილა, მცენარეებისა და ცხოველების არეალებიც შეიცვალა.
ცივი კლიმატის ქვეყნები ალბათ უფრო მოგებულ მდგომარეობაში არიან, რადგანაც გაიზარდა ხორბლის მოსავლიანობა და მოსავლის სეზონის ხანგრძლივობაც. აშშ-ის ჩრდილო-აღმოსავლეთ სანაპიროზე ომარების ჭერის რეკორდული მაჩვენებელი დაფიქსირდა. დიდ ბრიტანეტში გამოზრდილი ყურძნისგან შესანიშნავ ღვინოს ამზადებენ, პოლონეთში კი შარდონეს ჯიშის ყურძენი გაახარეს.
თუმცა ამ მოვლენას მინუსი უფრო მეტი აქვს. ჩრდილოეთისკენ, უფრო ცივ წყლებში თევზის მიგრაციის გამო, მათი ზოგიერთი სახეობა სულ უფრო მცირდება აღმოსავლეთ ევროპაში.
კლიმატის ცვლილება მავნებლებისა და სოკოების გამრავლებას უწყობს ხელს. მოსავალზე უარყოფითად მოქმედებს ასევე სტიქიური უბედურებები: წყალდიდობა, გვალვა, ხანძარი, ყინვა და სხვ.
ყავის მწარმოებლები ხოჭოების შემოსევასა და გვალვას უჩივიან. ცენტრალურ ამერიკასა და კოლუმბიაში მარცვლეული ზიანდება მცენარის სხვადასხვა დაავადებისგან. ფრანგული ღვინის წარმოება, შამპანში ზაფხულის შტორმებისა და ბორდოში გაზაფხულის ყინვების გამო, უკანასკნელი 60 წლის განმავლობაში, მინიმუმამდე შემცირდა.
ტემპერატურის ცვლილება ასევე მოქმედებს პროდუქტების გემოსა და ხარისხზე. პირველ რიგში ყავაზე, რომელიც სითბოში სწრაფად მწიფდება, რის გამოც არომატი ვეღარ იძენს სიღრმესა და სიძლიერეს.
ლალი ჩხიკვაძე