მამაკაცის შეცდომა
მაგალითად, ლურჯი და სტაფილოსფერი, არაჩვეულებრივად ავსებს ერთმანეთს, მთავარი სწორი დოზირებაა. რაც შეეხება ერთმანეთთან მიახლოებულ ფერებს, მაგალითად, წითელსა და ვარდისფერს, მათი შეხამება შესაძლოა ყოველთვის წარმატებული არ აღმოჩნდეს.
მეტისმეტად ბევრი ნახატი
ამ შემთხვევაში გაცილებით იოლია, ერთი ნახატებიანი მოდელი ერთფეროვან ტანსაცმელს შევუხამოთ.
ნაირ-ნაირი ფაქტურის ქსოვილი
ყოველი სახეობის ქსოვილს აქვს განსაზღვრული კლასი. ასე, მაგალითად: აბრეშუმი ოფიციალურად მიიჩნევა, ხოლო სელის ქსოვილი - უფრო დემოკრატიულად; ტყავი უფრო "ვაჟკაცურია", ვიდრე ტვიდი. ამიტომ ქსოვილები არა მარტო ფაქტურისა და ფერის გათვალისწინებით, არამედ კლასის მიხედვითაც უნდა შევახამოთ. ამასთანავე, უნდა განვასხვაოთ ზამთრისა და ზაფხულის გარდერობი: რა გასაკვირიც უნდა იყოს, ბევრი თბილ ამინდშიც კი მკვრივი და მძიმე ქსოვილის პიჯაკს ატარებს.
ლაქები ვიდრე ტანსაცმელს სარეცხ მანქანაში მოათავსებდეთ, კარგად დაათვალიერეთ - თუ ლაქები აქვს, ისინი, შესაძლოა, გარეცხვის შემდეგაც დარჩეს ქსოვილზე. რაც უნდა უნაკლოდ გამოიყურებოდეთ, ტანსაცმელზე მცირე ზომის ლაქაც კი უსიამოვნო შესახედავია.
"სეზონის გიჟი"
საზამთრო და საზაფხულო ტანსაცმელი ცალ-ცალკე დაკიდეთ. მაშინ არ გაგიჩნდებათ სურვილი, აბრეშუმის პერანგი სქელი პიჯაკის ქვეშ ჩაიცვათ.
ზომაზე გრძელი/მოკლე შარვალი
შეძენისას შარვალი ყურადღებით მოიზომეთ - არასწორად შერჩეულმა სიგრძემ შესაძლოა ყველაზე ეფექტური მოდელიც კი სასაცილო გამოაჩინოს. დაიმახსოვრეთ შემდეგი წესი: კოსტიუმის შარვლის ტოტი ფეხსაცმლის ქუსლის ზედა ნაწილის დონეზე უნდა დასრულდეს, ჯინსი კი უფრო გრძელიც შეიძლება იყოს. ნურც ამაზე მოკლე შარვალს ჩაიცვამთ, თორემ ფეხებიც უფრო მოკლე გამოგიჩნდებათ. სიარულისას წინდა არ უნდა ჩანდეს, ხოლო ჯდომისას წინდის ყელის მხოლოდ რამდენიმე სანტიმეტრზე გამოჩენაა დასაშვები.
მეტისმეტად მაღალწელიანი შარვალი
თუ მოკლე ტორსი და გრძელი ფეხები გაქვთ, დაბალწელიანი შარვლები ჩაიცვით, რომლებსაც ჯიბეები გვერდით და წინ აქვს, თუმცა ასეთ მოდელებს ნავარჯიშევი პრესიც სჭირდება...
მაისურის არასწორი სიგრძე
თუ მაისური მეტისმეტად გრძელია, შარვალში ვერ ჩაიტანებთ. მოხერხებულად თავს ვერც მოკლე მაისურში იგრძნობთ, რადგანაც ზურგი ყოველი გადახრისას გაგიშიშვლდებათ. მაისური თეძოს შუამდე უნდა გწვდებოდეთ. ეცადეთ, იპოვოთ ბრენდი, რომლის სტილი ყველაზე მეტად გიხდებათ.
გადატვირთული ზედა სამოსი
მკვეთრი ფერები, თვალში საცემი ნახატები, პროვოკაციული წარწერები და ცნობილი ლოგოტიპები - ეს ყველაფერი განსაზღვრულ სიტუაციას მიესადაგება, უმეტესად კი აჯობებს, მოკრძალებული ფერის სადა მაისური ატაროთ, ის შეხამების უფრო მეტ საშუალებასაც მოგცემთ და შეცდომებისგანაც გიხსნით.
დაჭმუჭნილი ტანსაცმელი
გახსოვდეთ ორი რამ: პირველი - უთო ფაქიზი ადამიანების საუკეთესო მეგობარია; მეორე - პერანგის ღილებს შორის დაუუთოებელი ქსოვილი არაესთეტიკურია. მგზავრობისას და სამუშაო დღის მიწურულს ტანსაცმელი იჭმუჭნება. თუ შეხვედრაზე მიგეჩქარებათ, სამოსის გამოცვლას კი ვერ ასწრებთ, ნაკეცები დანამეთ, ხელით გაასწორეთ და ფენით გააშრეთ, თუ, რასაკვირველია, ის კეისით დაგაქვთ...
ცუდად შეკრული ჰალსტუხი
ჰალსტუხის შეკვრა ურთულესი ხელოვნებაა, რომელიც ინტელექტის კოეფიციენტის ერთგვარ მარკერადაც კი შეიძლება გამოდგეს. არ დაივიწყოთ ამ აქსესუარის სიგრძეც: მიიჩნევენ, რომ კლასიკური ჰალსტუხის ბოლო ქამრის ბალთას უნდა ეხებოდეს, თუმცა ისიც სათქმელია, რომ მოდა ბოლო ხანს თავბრუდამხვევი სისწრაფით იცვლება...
წინდები პლუს სანდლები
ეს ერთ-ერთი ყველაზე საშინელი შეცდომაა. თუ ღია ფეხსაცმელს იცვამთ, წინდა დაივიწყეთ. თუ მასზე უარის თქმა არ შეგიძლიათ, მაგრამ მსუბუქი ფეხსაცმლის ტარებაც გსურთ, უპირატესობა ბოტასებსა და თხელი ტყავის მოკასინებს მიანიჭეთ.