როგორ შევინარჩუნოთ მამაკაცის ჯანმრთელობა წლის ცივ სეზონზე
სპორტის ექსტრემალური სახეობები, ექიმების რჩევების უგულებელყოფა და კლინიკაში ვიზიტის გადავადება, აუცილებლობის შემთხვევაშიც კი - ეს ყველაფერი დამახასიათებელია კაცებისთვის. მაგრამ ყველაფერი იცვლება, როდესაც საუბარი იწყება არა მტკივნეულ წელის ან გულის ტკივილზე, არამედ მამაკაცის ჯანმრთელობაზე. მამაკაცური ძლიერების შენარჩუნების საკითხი თითოეული კაცისთვის უმნიშვნელოვანესია. ამაზეა დამოკიდებული მისი პოტენცია და სექსუალობა, რის გარეშეც მამაკაცი სრულფასოვნად თავს არ მიიჩნევს.
ზამთარში მამაკაცის ჯანმრთელობის შენარჩუნება სხვა დროებთან შედარებით უფრო აქტუალური ხდება. სწორედ ცივ სეზონზე ორგანიზმს კოლოსალური დატვირთვა აქვს, ებრძვის ყინვას, ბაქტერიებისა და ვირუსების შემოტევებს.
ჩაიცვით თბილად
თბილი ფეხსაცმელი აუცილებელია, რადგანაც სიცივე და სითბო სწორედ ფეხებიდან გადაეცემა მთელ ორგანიზმს. ფეხების სითბოს შენარჩუნებით ორგანიზმიც დაცული იქნება გაციებისაგან.
დათბილული შარვალი და ჯინსი, თერმოთეთრეული - ყველა მამაკაცის გარდერობში უნდა იყოს.
აუცილებელია ქუდის ტარებაც გაციებისაგან დასაცავად, რადგან სწორედ თავიდან გასცემს ორგანიზმი სითბოს 80%-ს. შეარჩიეთ თქვენთვის შესაფერისი ქუდი.
მანქანის სავარძლის გათბობა - კომფორტი თუ საშიშროების შემცველი
მედიკოსები ცალსახად პასუხობენ: მეორე. გადახურება უფრო საშიშია, ვიდრე გაციება. შედეგი მაშინვე კი არ ჩანს, არამედ რამდენიმე წლის შემდეგ. სათესლე პარკისა და სათესლეების გადახურება იწვევს უშვილობას, სპერმის ხარისხის გაუარესებას. ამიტომ სავარძლების გახურების ფუნქცია გამოიყენეთ მხოლოდ პირველი რამდენიმე წუთის განმავლობაში, რათა თავად სავარძლის ზედაპირი ცოტათი შეთბეს, შემდეგ გამორთეთ.
სწორი კვება
სწორი კვება პოტენციაზე იმაზე ეფექტურად მოქმედებს, ვიდრე ეს ვინმეს წარმოუდგენია. ჭარბი წონა და ტესტოსტერონი ცუდად ეწყობა ერთმანეთს. ცხიმი თრგუნავს მამაკაცის სასქესო ჰორმონების გამომუშავებას და ზრდის ქალის სასქესო ჰორმონების - ესტროგენების დონეს მამაკაცებში. ამის შესახებ განსაკუთრებით უნდა გვახსოვდეს ახალი წლისა და საშობაო არდადეგების დროს, როდესაც სავარძლიდან მაცივრამდე მარშრუტი განსაკუთრებით პოპულარული გასეირნებაა მამაკაცთა უმრავლესობისათვის.
მედიკოსებმა დაამტკიცეს, რომ პოტენციას აქვეითებს შემდეგი პროდუქტები: მარილი, შაქარი, ფასტ ფუდი, ტკბილი გაზიანი სასმელები, კოფეინი, ალკოჰოლი, სოიის პროდუქტები, თეთრი პური.
რაციონში მეტად ჩართეთ სასარგებლო პროდუქტები: ზღვის პროდუქტები, ნიგოზი, კვერცხი, მწვანილი (განსაკუთრებით - ოხრახუში, ქინძი, ხახვი, ისპანახი და ბროკოლი), ხახვი, ნიორი, ხორცი, ნიახური, კოჭა.
აქტიური სქესობრივი ცხოვრება
რეგულარული სექსი აუცილებელია მამაკაცის ჯანმრთელობისთვის, რაც ორივე პარტნიორისთვის სიამოვნების მომტანი უნდა იყოს.