საკუთარი თავისთვის მოიცალეთ, ქალბატონებო!
- ნიკაპის შუახაზიდან ყურის ბიბილოსკენ;
- პირის კიდეებიდან ყურის შუახაზისკენ;
- ნესტოებიდან ისევ ყურის შუახაზისკენ;
- შუბლის შუახაზიდან საფეთქლებისკენ;
- თვალის შიდა კუთხიდან საფეთქლებისკენ და პირუკუ.
სახის ყოველდღიურ მოვლაში შედის სახის მასაჟი. მასაჟისთვის იყენებენ შუა თითსა და არათითს. იშველიებენ ზეთს ან ნელსაცხებელს.
1. კრემი მსუბუქად შეიზილეთ ჯერ პირის კუთხეებთან, მერე კი ნესტოებთან. ყოველი მოძრაობა გაიმეორეთ 10-ჯერ.
2. ნესტოების ირგვლივ ორივე ხელით შემოხაზეთ სამკუთხედი. გაიმეორეთ 10-ჯერ.
3. ორივე ხელის შუა და უსახელო თითები ნაზად, წრიულად ამოძრავეთ ნიკაპის შუაგულიდან საფეთქლებამდე. ამ დროს 2-3 წამით თითები სახეზე უნდა შეაჩეროთ.
4. თვალების ირგვლივ მასაჟი კეთდება წრიული მოძრაობებით, ძალიან ნაზად.
ნიღბები
სახის მოვლის დამატებითი საშუალებაა ნიღაბი. მისი გაკეთება შეიძლება კვირაში 1-2-ჯერ. არსებობს რამდენიმე სახის ნიღაბი:
- დამანოტივებელი - კანის ზედა ფენებს სინოტივეს უნარჩუნებს. გამოდგება ნებისმიერი ტიპის კანისთვის. იდება კისერზე, სახესა და მკერდზე.
- შემბოჭავი - სახეზე წარმოქმნის აპკს. ჩამოფცქვნის კანიდან მკვდარ უჯრედებს, აუმჯობესებს სისხლის მიმოქცევას. არ შეიძლება დადება თვალების ირგვლივ. რეკომენდებული არ არის, როდესაც სახეზე გაგანიერებულია ვენები.
გამშრალ ნიღაბს იცილებენ თბილ წყალში დასველებული ხელსახოცით. ნიღბის მოცილების შემდეგ აუცილებელია მკვებავი კრემის წასმა. დაიხსომეთ: ნიღაბი სახეზე უნდა დაიდოთ და არ შეიზილოთ. გთავაზობთ რამდენიმე ნიღბის ნიმუშს:
კვერცხის ნიღაბი
ღრმა თეფშზე მოათავსეთ კვერცხის გული, დაამატეთ რამდენიმე წვეთი ზეთი (უმჯობესია ზეითუნისა) და კარგად გაქენით. როდესაც მასა შესქელდება, დაამატეთ ნახევარი ჩაის კოვზი თაფლი და კარგად აურიეთ. ნიღაბი თითებით დაიდეთ სახესა და ყელზე და გაიჩერეთ 20 წუთი. ჩამოიბანეთ თბილი წყლით.
ხაჭოს ნიღაბი
აიღეთ 2 ჩაის კოვზი ხაჭო, დაამატეთ 1 კვერცხის გული და რამდენიმე წვეთი წყალბადის ზეჟანგი. მიღებული მასა არ უნდა იყოს მეტისმეტად სქელი. ნიღაბი დაიდეთ სახესა და ყელზე. 10 წუთის შემდეგ ჩამოიბანეთ. ათეთრებს კანს. ალერგიულ ადამიანებს ვურჩევთ, წინასწარ ჩაიტარონ ალერგიული სინჯი.
საფუვრის ნიღაბი
აიღეთ 30 გრამი საფუარი, დააქუცმაცეთ, დაამატეთ ჩაის კოვზზე წინასწარ გამთბარი რამდენიმე წვეთი თაფლი და რამდენიმე წვეთი ზეითუნის ზეთი. ეს ნიღაბი ზრდის კანის ელასტიკურობას.