დავუთმოთ სახეს დრო როგორ დავიბანოთ სწორად - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

დავუთმოთ სახეს დრო როგორ დავიბანოთ სწორად

სახის გასუფთავება აუცილებელი კოსმეტიკური პროცედურაა ნებისმიერი ქალისთვის, ასაკის მიუხედავად. სწორედ კანის გასუფთავებით იწყება მისი მოვლა.

დაბანის საბაზისო წესების დაუცველობა და არარეგულარული მოვლა შესაძლოა სახიფათო გახდეს ჯანმრთელობისთვის. პირველ რიგში, კანის ჭარბი ცხიმი შეიძლება ჰიპერკერატოზის მიზეზად იქცეს და გამოიწვიოს ანთების პროვოცირება. გარდა ამისა, სახეს ამ შემთხვევაში ფერმკრთალი და მოუვლელი იერი ექნება. არარეგულარული გასუფთავება არაეფექტურს ხდის კანის მოვლას. დაბანის დროს ვათავისუფლებთ კანს გარქოვანებული უჯრედებისაგან, რითაც უზრუნველვყოფთ ჟანგბადისა და აქტიური ნივთიერებების მიწოდებას.

დაბანის პროცედურა უნდა იყოს ეტაპობრივი. თუ ყოველდღიურად ვიყენებთ მაკიაჟის საშუალებებს, კანის გასუფთავება მხოლოდ მიცერალური წყლით ან დასაბანი გელით კატეგორიულად არასწორია, რადგანაც არც ერთი საშუალება კანს სათანადოდ არ გაასუფთავებს. დაბანის პროცედურა არ დაიყვანება მაკიაჟის მოშორებამდე, ამიტომ თავდაპირველად ვაშორებთ დაბინძურებას ბამბისა და მიცერალური წყლის საშუალებით და შემდეგ ვასუფთავებთ გელის საშუალებით. ეტაპობრივი გასუფთავება განსაკუთრებით აქტუალურია ცხიმიანი და კომბინირებული კანის ტიპებისთვის. თუ არ ხმარობთ დეკორატიულ კოსმეტიკას, მხოლოდ ერთი საშუალება სრულიად საკმარისია, მაგრამ უმჯობესია დასაბანი გელის გამოყენება.

დაბანის პროცედურა უნდა ჩატარდეს დღეში 2-ჯერ. საღამოს ვიშორებთ დღის განმავლობაში დაგროვებულ დაბინძურებას (მტვერი, მაკიაჟი, კანის ცხიმი და ა.შ.), დილით კი იმას, რაც კანზე ხვდება ძილის დროს და სებიუმს, რომლის გამოყოფის პიკი დილის 4-5 საათზეა.

დასაბანად უნდა გამოვიყენოთ მხოლოდ კანის ტიპის შესაფერისი საშუალება. დასაბანი საშუალებები რამდენიმე პრობლემას უმკლავდება, მათ შორის გაღიზიანების მოხსნასა და კანის მოვლას. თითოეული კანის ტიპს თავისი მოთხოვნილებები აქვს, ამიტომ უნდა შევარჩიოთ ის საშუალებები, რომლებიც ამ მოთხოვნილებებს დააკმაყოფილებს.

უნდა დაიბანოთ თბილი წყლით. ძალიან ცხელი ან ცივი წყალი არ გამოდგება კანის გასასუფთავებლად. ცხელი წყალი იწვევს გაუწყლოებას და შეიძლება კანის დაჭიმულობის მიზეზი გახდეს. ცივი კი არასაკმარისად ეფექტურად მოაშორებს სებიუმისა და კოსმეტიკური საშუალებების ნარჩენებს. კონტრასტულმა ტემპერატურამ კი შეიძლება სტრესის პროვოცირება და კუპეროზიც კი გამოიწვიოს.

დილით საკმარისია სახე დაიბა­ნოთ კანის ტიპის შესაბამისი, ჩვე­ულებრ­ივი საშუალებით, გაიწმინდოთ მიცერ­ალური წყლით და შემდეგ გადაივ­ლოთ გამდინარე წყალი. დილაობით დროდად­რო რეკომენდებულია გამწმენდი ნიღბების ან სქრაბის გამოყენება. მაკიაჟი ასე უფრო თანაბრად და კარგად დაედება კანს. კანის გასუფთავების პროცესი დასრულებულად ჩაითვლება მხ­ოლოდ მაშინ, როდესაც დაბანის შემდეგ გამოიყენებთ კანის ტონიკს. ტონიკი აღადგენს კანს, აუმჯობესებს მის მდგომარეობას და ასრულებს გამტარის ფუნქციას კრემებისა და შტრატების შემადგენლობაში არსებული საკვები ნივთიერებების უკეთ შესაწოვად. დასაბანის გელის ნაცვლად ტონიკის გამოყენება დაუშვებელია.

საღამოს კანი უფრო კომპლექსურ გასუფთავებას მოითხოვს მიცერალური წლითა და დასაბანი საშუალებებით. აგრესიული საშუალებების გამოყენება კანის გასასუფთავებლად არ არის საჭირო. ამან შეიძლება გამოიწვიოს ცხიმის გაძლიერებული გამოყოფა, ამიტომ უნდა შევარჩიოთ რბილი, მაგრამ ეფექტური კანის გამწმენდი საშუალება. სქრაბი კი გამოვიყენოთ 7-10 დღეში ერთხელ.

საჭიროა მოვიმარაგოთ დაბანის რამდენიმე საშუალება: მიცერალური წყალი, ჰიდროფილური ცხიმი, გელი. ყველა ამ საშუალებას სხვადასხვა ფუნქცია აქვს. ჰიდროფილური ცხიმი შეიძლება გამოვიყენოთ კანის ორეტაპიანი გასუფთავებისთვისაც მაკიაჟის აქტიური გამოყენებისას.

დაბანის საშუალებები პერიოდულად უნდა ვცვალოთ, ხოლო კანის მომატებული მგრძნობელობის ან სიმშრალისას ქაფები არ უნდა ვიხმაროთ.