რა არის რადიკულიტის განვითარების წინაპირობა
ის ვითარდება მოულოდნელად, მკვეთრი მოძრაობის დროს და ახასიათებს მწვავე ტკივილი ზურგში.
რადიკულიტი ხშირად ვითარდება გავა-წელისა და კისრის არეში, თუმცა არსებობს გულმკერდის რადიკულიტიც.
კისრის რადიკულიტის სიმპტომებია:
- ტკივილი კისრის არეში;
- თავბრუსხვევა;
- წონასწორობის დარღვევა;
- სმენის დაქვეითება;
- დაბუჟების შეგრძნება ზედა კიდურებში
გულმკერდის რადიკულიტის სიმპტომებია:
- ტკივილი გულმკერდის არეში;
- სუნთქვის გაძნელება;
- ჩხვლეტითი ხასიათის შეგრძნება გულმკერდის არეში
გავა-წელის რადიკულიტის სიმპტომები:
- დაბუჟება ქვედა კიდურებში;
- ტკივილი წელის მიდამოში, რომელიც გადაეცემა ქვედა კიდურებს და ძლიერდება გადაადგილების დროს, კიდურების მოძრაობისას, ჯდომისას, სხეულის პოზიციის შეცვლისას
არსებობს ქრონიკული და განმეორებითი რადიკულიტის ფორმები.
რადიკულიტი ყველაზე ხშირად გვხვდება იმ პირებში, ვისაც უწევს ხშირი ფიზიკური დატვირთვა, დარღვეული აქვთ ნივთიერებათა ცვლა, ხშირად აწუხებთ ზურგის კუნთების სპაზმი.
რადიკულიტის განვითარების წინაპირობას წარმოადგენს:
- ოსტეოქონდროზი;
- ხერხემლის ტრავმები;
- ხერხემლის დისტროფიული დაზიანებები
დაავადების მკურნალობა მნიშვნელოვანია ისეთი გართულებების თავიდან ასაცილებლად, როგორებიცაა:მოძრაობის შეზღუდვა, ხერხემლის მალთაშუა თიაქარი, ზურგის ტვინის კომპრესია, იშემიური დაავადებები.
რადიკულიტის თავიდან ასაცილებლად:
- ეცადეთ იჯდეთ გამართულად;
- მოერიდეთ ერთსა და იმავე პოზაში ხანგრძლივად ყოფნას;
- მოერიდეთ ხერხემლის დატვირთვასა და მძიმე ფიზიკურ შრომა;
- ივარჯიშეთ;
- დროულად უმკურნალეთ ინფექციურ პათოლოგიებს;
- გაიძლიერეთ იმუნიტეტი.