რა კავშირია რევმატოიდულ ართრიტსა და ფილტვებს შორის
პროგრესირებასთან ერთად, დაავადებამ შესაძლოა გავლენა იქონიოს შინაგან ორგანოებზე, მაგალითად ფილტვებზე.
რევმატოიდულ ართრიტთან დაკავშირებულია ფილტვების ინტერსტიციული დაავადებარომელიც ვითარდება მაშინ, როდესაც დამაზიანებელი ფაქტორის ზემოქმედების საპასუხოდ ფილტვებში პათოლოგიური დანაწიბურების რეაქცია იწყება. ალვეოლების ირგვლივ არსებული ქსოვილი ნაწიბურდება, რაც სისხლში ჟანგბადის გადასვლას ართულებს.
რევმატოიდული ართრიტის შედეგად გამოწვეული ფილტვების იტერსტიციული დაავადება ვლინდება დაავადებული პირების 5-10%-ში.
ალვეოლების ირგვლის ქსოვილების დანაწიბურებას შესაძლოა თან ახლდეს შემდეგი სიმპტომები:
- სუნთქვის გაძნელება;
- ქრონიკული მშრალი ხველა;
- დაღლილობა;
- სისუსტე;
- მადის დაქვეითება;
- წონის კლება
დიდი მნიშვნელობა აქვს ადრეულ დიაგნოსტირებას და დროულად მკურნალობის დაწყებას. მკურნალობა მოიცავს მედიკამენტურ მკურნალობას, ჟანგბადით თერაპიას, ხოლო დაავადების მძიმე ფორმის დროს მიმართავენ ქირურგიულ ჩარევას.
დაავადების მართვა მოიცავს:
- ცხოვრების წესის შეცვლას - ალერგენებთან კონტაქტის შემცირებას, სიგარეტის მოწევისგან თავის შეკავებას, ისეთი ვარჯიშების შესრულება, რომლებიც ფილტვებს და გულს აძლიერებს, ჭარბწონიან პირებთან სასურველია წონის დაკლება;
- ნებისმიერი სახის ინფექციების დროულ და სწორ მკურნალობას