ოსტეოპოროზი - რისკ-ფაქტორები და პრევენცია
როგორც ყველა ქსოვილი, ძვლებიც ბერდება. ასაკთან მცირდება ძვლის მასა და სიმტკიცე. ძვალი ხდება მყიფე და ადვილად მსხვრევადი - ეს ოსტეოპოროზია.
მისი განვითარების ალბათობა განსაკუთრებით მატულობს კლიმაქსურ პერიოდში და ეს დიდწილად დამოკიდებულია ესტროგენების გამომუშავების შემცირებაზე.
ოსტეოპოროზს ახასიათებს სხვადასხვა ძვლის მოტეხილობა: სხივის, ხერხემლის მალის, განსაკუთრებით მძიმე შედეგი კი ბარძაყის ძვლის მოტეხილობას შეიძლება მოჰყვეს. ამ დროს მაღალია დაინვალიდების რისკი.
ოსტეოპოროზის სიმპტომებია:
- წელის ტკივილი (განსაკუთრებით მძიმე საგნის აწევის ან მოუხერხებელი მოძრაობის შემთხვევაში);
- ადვილად დაღლა და ყრუ ტკივილები ზურგის არეში;
- სახსრების ტკივილი ერთ პოზაში დგომის ან მოძრაობის დროს
ოსტეოპოროზის განვითარების რისკ-ფაქტორებს მიეკუთვნება: სიგარეტი, ალკოჰოლი, პასიური ცხოვრების წესი, კალციუმისა და D ვიტამინის დეფიციტი.
საბედნიეროდ, შესაძლებელია ოსტეოპოროზის თავიდან აცილება შესაბამისი პროფილაქტიკით. ამისთვის აუცილებელი პირობა კი კალციუმის საკმარისი რაოდენობით მიღებაა, მნიშვნელოვანია, როგორც კალციუმის სადღეღამისო ბალანსის შევსება, ისე მისი შეწოვის ფუნქციის შენარჩუნება, რომელიც თავის მხრივ დამოკიდებულია D ვიტამინზე. ეს ორი ფაქტორი ოსტეოპოროზის მთავარი პრევენციაა.
კალციუმის დეფიციტის შევსება შესაძლებელია რაციონში რძის პროდუქტების დამატებით - აუცილებელია ყოვედლღიურად მივიღოთ რძის ნაწარმის სამი ულუფა: 1 ჭიქა რძე, 1 ქილა მაწონი 100 გრ ყველი.
საჭიროების შემთვევაში, შესაძლებელია კალციუმის დანამატის სახით მიღება ექიმის რეკომენდაციით.
კაციუმის დეფიციტზე მიუთითებს თმის ცვენა, გაყოფილი თმის ბოლოები. მტვრევადი ფრჩხილები, ხშირი კარიესი და პაროდონტოზი.