რისი ბრალია ტკაცუნი - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

რისი ბრალია ტკაცუნი

როცა ყველა ამბოხებულია

ყველაფერი იწყება სახსრის არეში ტკაცუნით სიარულისა და მიხრა-მოხრის თუ ჩაკუზვის დროს. ძილის, ხანგრძლივი ჯდომის, ფიზიკური დატვირთვის შემდეგ მუხლები თითქოს მუშაობაზე უარს ამბობენ, მოქმედება აღარ შეუძლიათ. საჭიროა დრო, რათა მათ ამოძრავება შეძლონ. შემდეგ სახსრები ამინდზე რეაგირებას იწყებენ. ამინდის ცვალებადობის შესატყვისად იცვლება მათი მოქმედება. სიცივეში მუხლებში წიწკნის შეგრძნება ჩნდება, სითბოში კი შედარებით მშვიდდება. მუხლის ფიალების ირგვლივ ჩნდება შესივება, იწყება მტანჯველი ტკივილები.

 

შეისწავლეთ პრობლემა

რევმატოლოგები მუხლის სახსარში პათოლოგიურ ცვლილებებს ხარისხებად ყოფენ. ყველაზე მძიმე (მე-4 ხარისხის) ფორმის დროს სრულიად წყდება კვება, სასახსრე სითხე არ ხვდება სახსარში, ის დეფორმაციას განიცდის. დაავადების I სტადიიდან მეოთხეში გადასვლა რომ არ დავუშვათ, აუცილებელია დროული კომპლექსური გამოკვლევა და მკურნალობა. ექიმი რევმატოლოგი პაციენტთან საუბრისა და სახსრის გასინჯვის შემდეგ იძლევა აუცილებელ რეკომენდაციებს. ეს არის სახსრის რენტგენოლოგიური გამოკვლევა და კოპიუტერული ტომოგრაფია. მან ასევე შეიძლება მოგცეთ მიმართვა ართროსკოპიაზე - ეს არის მცირე ქირურგიული ჩარევა ადგილობრივი ნარკოზით. ამ გამოკვლევის არსი იმაში მდგომარეობს, რომ 1-2 მცირე განაკვეთის საშუალებით სახსარში შეჰყავთ ოპტიკური მოწყობილობა, რომლის დახმარებითაც ხდება გამოკვლევა (ან მკურნალობა). პროცედურიდან 2 საათის შემდეგ შეიძლება ავადმყოფის სახლში გაშვება. არც ერთ აბს, სამკურნალო კრემსა თუ გელს არ შესწევს უნარი, გააუმჯობესოს სისხლის ნაკადი ან საკვები ნივთიერებით სახსრის მომარაგება. სახსრების დაავადებების დროს ექიმები კომპლექსურ თერაპიას ნიშნავენ.

რით დავიწყოთ?

1. ჩაეწერეთ ცურვის სექციაში. წყალში სახსრები მუშაობს, მაგრამ არ იჭიმება. ძალისმიერი, განსაკუთრებით დარტყმითი დატვირთვა (კალათბურთი, ფრენბურთი) კი უფრო მეტად ახდენს ტკივილის პროვოცირებას.

2. მისდიეთ ტანვარჯიშს. მუხლების ტკივილის დროს აუცილებელია ყოველდღიური ვარჯიში, განსაკუთრებით კარგია "მაკრატელა" და "ველოსიპედი".

3. გაიარეთ ფიტოთერაპიის კურსი. ადგილობრივი თერაპიისთვის გამოგადგებათ ნებისმიერი სამკურნალო საცხი, რომელიც შეიცავს ფუტკრის ან გველის შხამს. თუ არ გაქვთ პრობლემა გულის მხრივ ან არ უჩივით წნევის მერყეობას, გაიარეთ ელექტროფორეზის კურსი. ძლიერი ტკივილის დროს სპეციალისტები ნიშნავენ ანთების საწინააღმდეგო, ტკივილგამაყუჩებელ მედიკამენტებს, ქონდროპროტექტორებს, ალტერნატიული მეთოდებიდან ჰირუდოთერაპია აღიარებული ლიდერია ართროზების მკურნალობაში.

ზედმეტი წონა აღრმავებს პრობლემას. ამიტომ გონივრული იქნება გახდომა. უნდა მიირთვათ ისეთი პროდუქტები, რომლებიც მდიდარია კალციუმით: რძე, ხაჭო, ყველი, გარგარის ჩირი, ლეღვი, ფინიკი. სვით დღეში არანაკლებ 1,5 ლიტრი წყალი.

ხალხური მედიცინა და კომპიუტერული ტექნოლოგიები

ახალი კომბოსტოს ფოთოლი დაიდეთ სახსარზე ღამით, დააფიქსირეთ სახვევით. ეს ტკივილს ამსუბუქებს, ზოგჯერ სრულიად აქრობს. თიხით შეფუთვა: თიხა სითბოს დიდხანს ინახავს და ათბობს ავადმყოფ სახსარს, რაც დააცხრობს შესივებას და დაარეგულირებს სისხლის მიმოქცევას დაზიანებულ ზონაში. რენტგენოკომპიუტერული ტომოგრაფია: რენტგენის სხივები გაივლიან პაციენტის სხეულში, შემდეგ კი ხვდებიან მრიცხველებზე, რომელთა მაჩვენებლებს კომპიუტერულად ამუშავებენ. მიღებულ ტომოგრამებზე კარგად ჩანს ყველა ხრტილი, მენისკი, კუნთის მყესი, გადაბმა, რაც საშუალებას იძლევა, ზუსტად გამოიყოს დაზიანებული ადგილი და დაინიშნოს ადეკვატური მკურნალობა. ასე რომ, თუ სახსრებში უცნაურ ხმაურს, ტკაცუნს ამჩნევთ, უყურადღებოდ ნუ დატოვებთ ამ მნიშვნელოვან სიგნალს. გაიარეთ სპეციალისტის კონსულტაცია. დიდი მნიშვნელობა აქვს მოძრაობით აქტივობას. ყველა ადამიანმა სისტემატურად უნდა ივარჯიშოს, უნდა მოძრაობდეს ყველა სახსარი. ვარჯიში შეიძლება სამკურნალო ფიზკულტურის კაბინეტში, სპორტულ დარბაზში სპეციალისტ-კონსულტანტის მეთვალყურეობით. გახსოვდეთ, რომ ცხოვრების ჯანსაღი წესი ამცირებს დაავადების რისკს.