როგორ აისახება ავიტამინოზი სახის კანზე - მკურნალი.გე

ენციკლოპედიაგამომთვლელებიფიტნესიმერკის ცნობარიმთავარიკლინიკებიექიმებიჟურნალი მკურნალისიახლეებიქალიმამაკაციპედიატრიასტომატოლოგიაფიტოთერაპიაალერგოლოგიადიეტოლოგიანარკოლოგიაკანი, კუნთები, ძვლებიქირურგიაფსიქონევროლოგიაონკოლოგიაკოსმეტოლოგიადაავადებები, მკურნალობაპროფილაქტიკაექიმები ხუმრობენსხვადასხვაორსულობარჩევებიგინეკოლოგიაუროლოგიაანდროლოგიარჩევებიბავშვის კვებაფიზიკური განვითარებაბავშვთა ინფექციებიბავშვის აღზრდამკურნალობასამკურნალო წერილებიხალხური საშუალებებისამკურნალო მცენარეებიდერმატოლოგიარევმატოლოგიაორთოპედიატრავმატოლოგიაზოგადი ქირურგიაესთეტიკური ქირურგიაფსიქოლოგიანევროლოგიაფსიქიატრიაყელი, ყური, ცხვირითვალიკარდიოლოგიაკარდიოქირურგიაანგიოლოგიაჰემატოლოგიანეფროლოგიასექსოლოგიაპულმონოლოგიაფტიზიატრიაჰეპატოლოგიაგასტროენტეროლოგიაპროქტოლოგიაინფექციურინივთიერებათა ცვლაფიტნესი და სპორტიმასაჟიკურორტოლოგიასხეულის ჰიგიენაფარმაკოლოგიამედიცინის ისტორიაგენეტიკავეტერინარიამცენარეთა მოვლადიასახლისის კუთხემედიცინა და რელიგიარჩევებიეკოლოგიასოციალურიპარაზიტოლოგიაპლასტიკური ქირურგიარჩევები მშობლებსსინდრომიენდოკრინოლოგიასამედიცინო ტესტიტოქსიკოლოგიამკურნალობის მეთოდებიბავშვის ფსიქოლოგიაანესთეზიოლოგიაპირველი დახმარებადიაგნოსტიკაბალნეოლოგიააღდგენითი თერაპიასამედიცინო ენციკლოპედიასანდო რჩევები

როგორ აისახება ავიტამინოზი სახის კანზე

ვიტამინების დეფიციტი სერიოზული პრობლემაა, შესაბამისად, არ შეიძლება მისი უგულებელყოფა. იმის დასადგენად, თუ რომელი ვიტამინი აკლია თქვენს ორგანიზმს, აუცილებელია შესაბამისი ტესტების ჩაბარება. თუმცა, თუ ყურადღებას მიაქცევთ სახის კანს, თავადაც გაერკვევით პრობლემაში.

სახის კანი ორგანიზმის შინაგანი მდგომარეობის მთავარი მაჩვენებელია (ინდიკატორია). სარკეში თქვენი ანარეკლის გულდასმით შესწავლით შეძლებთ ზუსტად გაიგოთ, რა ნივთიერებები სჭირდება თქვენს ორგანიზმს.

რა აკლია თქვენს ორგანიზმს? - 8 ძირითადი მინიშნება

1. ფერმკრთალი და მშრალი კანი B12, A და C ვიტამინების ნაკლებობის ნიშანია. B12-ის ქრონიკული ნაკლებობა იწვევს მეტაბოლურ დარღვევებს და ნერვულ სისტემასთან დაკავშირებულ პრობლემებს. ამ შემთხვევაში რეკომენდებულია მეტი ზღვის პროდუქტების, წითელი ხორცისა და ღვიძლის მირთმევა. A და C ვიტამინები აუცილებელია წყალმარილოვანი ოპტიმალური ბალანსის შესანარჩუნებლად და კანის რეგენერაციისთვის. ეცადეთ მიირთვათ მეტი ძროხის ღვიძლი, ვირთევზას ღვიძლი, სოკო (თეთრი გამხმარი), ტკბილი წიწაკა, კომბოსტო, შინაური კვერცხი, ციტრუსები, ხილი, კენკრა და მწვანილი.

2. ტუჩების ფერმკრთალი და მშრალი კანი რკინის ნაკლებობაზე მიუთითებს. ამ მიკროელემენტის ნაკლებობა იწვევს არტერიული წნევის და იმუნიტეტის დაქვეითებას. პრობლემის გადასაჭრელად დიეტაში უნდა ჩაერთოს წითელი ხორცი, ზღვის კომბოსტო, ქატო, მარცვლეული, სოია, კაკაო და მწვანილი.

3. სახის კანის მომატებული ცხიმიანობა ჩნდება B ჯგუფის ვიტამინების დეფიციტისას. ამ შემთხვევაში უნდა ჭამოთ მეტი ძროხის ღვიძლი, თეთრი გამომშრალი სოკო, შინაური კვერცხი და რძის პროდუქტები.

4. სახეზე განვითარებული აკ­ნე თუთიისა და A ვიტამინის ნაკლებობის ნიშანია. თუთია მონაწილეობს უჯრედების გაყოფისა და ჩანაცვლების პროცესში, ის გვხვდება კვერცხის გულში, ყველში, ქატოში, თხილსა და მზესუმზირას თესლში. აღსანიშნავია, რომ აკნეს მდებარეობა მიუთითებს, თუ რომელ ორგანოებსა და სისტემებს უნდა მიაქციოთ დიდი ყურადღება, ანუ როგორც სპეციალისტები განმარტავენ:

  • შუბლის ზედა ნა­წილში გამონაყარი ნა­წლავების პრობლემებითაა პროვოცირებული. ამ შემთხვევაში დიეტაში ანტიოქსიდანტები უნდა ჩართოთ. შუბლის ქვედა ნაწილის გამონაყარი ნერვული სისტემის ფუნქციობის დარღვევის ნიშანია. ღამის სრულფასოვანი დასვენება და არომათერაპია დაგეხმარებათ ამ პრობლემის მოგვარებაში;
  • ცხვირზე გამონაყარი მიუთითებს გულის პრობლემების არსებობაზე, რომლებიც დაკავშირებულია არტერიულ წნევასა და მუდმივ სტრესთან. ამ შემთხვევაში რეკომენდებულია სუფთა ჰაერზე მეტი დროის გატარება და საყვარელი საქმით უფრო ხშირად დაკავება;
  • გამონაყარი წარბის არეში ღვიძლთან დაკავშირებულ პრობლემებზე მიანიშნებს. აუცილებელია დიეტის გადახედვა, უნდა გამორიცხოთ ცხიმოვანი საკვები და ალკოჰოლი;
  • მარჯვენა ლოყაზე გამონაყარი არის ალერგიისა და რესპირატორული სისტემის მუშაობაში დარღვევების ნიშანი. რჩევა: უნდა უკუაგდოთ მავნე ჩვევები, კერძოდ, მოწევა;
  • პირის გარშემო გამონაყარი კუჭის პრობლემების მანიშნებელია. გამონაყარის მოსაშორებლად ჭამეთ მეტი ბოსტნეული და ხილი. თუ გამონაყარი გაგიჩნდათ ნიკაპის გვერდებზე, მაშინ თირკმელებია გადატვირთული და რეპროდუქციულ სისტემასთან დაკავშირებული პრობლემებიც აღგენიშნებათ (რეკომენდებულია კოფეინისა და ნატრიუმის მიღების მინიმუმამდე შემცირება).

5. ქუთუთოების შეშუპება, როგორც წესი, იოდის დეფიციტის ნიშანია, რაც, თავის მხრივ, იწვევს ფარისებრი ჯირკვლის ფუნქციობის მოშლას. იოდის ნაკლებობის ასანაზღაურებლად მიიღეთ რძისა და ზღვის პროდუქტები, კვერცხი, პარკოსნები, პომიდორი, მარწყვი და იოდიანი მარილი.

6. ნაოჭები. ასაკთან ერთად ნაოჭები აუცილებლად ჩნდება და ეს სრულად ნორმალური პროცესია. მაგრამ თუ ნაოჭები ძალიან სწრაფად წარმოიქმნება და ბევრია, მაშინ ორგანიზმს E ვიტამინი აკლია. სწორედ ეს მიკროელემენტი ეხმარება კანს დიდხანს დარჩეს მკვრივი და ელასტიკური. სიტუაციის გამოსასწორებლად მიირთვით მცენარეული ზეთები, თხილი, მზესუმზირა, ქატო, ქაცვი და ვირთევზას ღვიძლი.

7. თუ კბილების გახეხვის პროცესში ყოველდღე ღრძილებიდან სისხლდენა გეწყებათ, მაშინ თქვენს ორგანიზმს C ვიტამინი აკლია. ამ ვიტამინით მდიდარი საკვების მიღებით შეგიძლიათ გამოასწოროთ სიტუაცია და გაიძლიეროთ იმუნური სისტემა.

8. თუ თმა ძალიან მშრალი და მტვრევადი გაგიხდათ, თავზე კი ქერტლი გაგიჩნდათ, თქვენს ორგანიზმს ბიოტინი, ანუ B7 ვიტამინი, სჭირდება. მიიღეთ მეტი სოია, პარკოსნები, თხილი, ნიგოზი, პომიდორი, ზღვის თევზი, ფრინველის ხორცი, კვერცხის გული და რძის პროდუქტები.

ამ რეკომენდაციების შესრულებისას აუცილებლად გაითვალისწინეთ, რომ კონკრეტული ვიტამინის დეფიციტი ისევე საზიანოა, როგორც მისი ჭარბი რაოდენობა. ამიტომ არ არის საჭირო უკიდურესობამდე მისვლა და მხოლოდ იმ საკვების მოხმარება, რომელიც შეიცავს თქვენთვის დეფიციტურ მიკროელემენტს, რადგან ამან შეიძლება გამოიწვიოს ჰიპერვიტამინოზი. დიეტის მოწესრიგებამდე უმჯობესია კონსულტაცია გაიაროთ გამოცდილ დიეტოლოგთან.