რატომ შეიძლება გამწვავდეს აკნე ზაფხულში?
აკნე მრავალფაქტორიანი მდგომარეობაა. მასზე გავლენას ახდენს გარკვეული ჰორმონალური ფაქტორები, გაზრდილი ცხიმის გამომუშავება, ამ ადგილებში ტრიგლიცერიდები კვებავს ბაქტერიებს და ამან შეიძლება გამოიწვიოს აკნეს უფრო ანთებითი ფორმები.
ბოლოდროინდელმა კვლევებმა აჩვენა, რომ ამ ტიპის გამწვავება თბილ ტემპერატურას უკავშირდება, მაგრამ აკნე არ უარესდება მზის ზემოქმედების გამო. უმეტეს შემთხვევაში, ეს დაკავშირებულია ოფლიანობასთან და ფორების უფრო მეტად დახშობასთან, რაც ხდება მაღალი ტემპერატურის დროს.
აკნე ცხიმოვანი ჯირკვლების დაავადებაა, რომელიც განლაგებულია სახეზე, მკერდის წინა და ზურგის ზონებზე. როცა ჯირკვალი აქტიურად ფუნქციონირებს, გამოყოფს ცხიმს, რომელიც ეცობა სადინარს და ბაქტერიები იწყებენ გამრავლებას. ზაფხულში შეიძლება ჯირკვლები უფრო მეტად გააქტიურდეს და უფრო მეტად დაეცოს სადინარს. ასევე, ოფლი ხელს უწყობს აკნეს გამწვავებას.
ზაფხულში აკნეს მეტი მოვლა სჭირდება. აუცილებლად უნდა გამოიყენოთ დამცავი საშუალებები. აკნეს დროს სასურველი არაა სპირტის შემცველობით ხსნარის გამოყენება. მკურნალობის პროცესიც და სხვადასხვა სეზონისთვის დამახასიათებელი ცვილებები ექიმის მეთვალყურეობის ქვეშ უნდა გაიაროთ.
აკნეს მკურნალობა რამოდენიმე თვე გრძელდება. ხშირად პაციენტებს ენიშნებათ ანტიანდროგენული პრეპარატები, იღებენ ანტიბიოტიკებს. ასეთ დროს მზის აბაზანები და მზის სხივებთან ურთიერთობა განსაკუთრებულ პირობებს საჭიროებს. თუ პაციენტი A ვიტამინის მარილებს იღებს, ესეც გარკვეულ სიფრთხილეს გულისხმობს. ამიტომ ზაფხულის სეზონი ექიმთან შეთანხმებით უნდა გაიაროთ.
აკნეს უფრო მსუბუქი ფორმების შემთხვევაში შესაძლებელია გამოიყენოთ სალიცილის მჟავას ან ბენზოილ პეროქსიდზე დაფუძნებული საშუალებები.
გამოიყენეთ ქაფიანი გამწმენდი - როგორც წესი, ზაფხულის თვეებში რეკომენდაციას უწევენ სახის გამწმენდ ქაფიან საშუალებებს. ზამთრის თვეებში კისახის დამატენიანებელ ან კრემისებურ საწმენდ საშუალებებს.
არ მიიღოთ რუჯი დასველებულ კანზე. ასეთ მდგომარეობაში მზის სხივი კონცენტრირდება კანზე.
აუცილებელია დამატენიანებელი საშუალების გამოყენება მზის აბაზანის შემდეგ.
ზაფხულში ნუ გამოიყენებთ ანტირესპირანტებს. ოფლის შეკავება არასასურველია, პირიქით, ოფლი უნდა გამოიყოს ორგანიზმიდან. ასეთ დროს რეკომენდებულია დეოდორანტების გამოყენება.
დაბანის საშუალებები უნდაშეირჩეს ისე, რომ არ გააღიზიანოს აკნე. ზაფხულში მზის სხივებია აგრესიულია, ამიტომ PH ნეიტრალური საშუალები უნდა გამოიყენოთ.